Video
Read full review
2010-07-21
80 views
向香港出發 - 長洲篇...夜晚係長洲揾間海鮮食.. 人生路不熟.. 諗住求其揾。但係條北社海傍道來來回回左4..5..次都揀唔到落手...終於上黎openrice度參詳參詳..見到康記都有好評..同埋康記係唯一一間我地來來回回左4..5次都無hard-sell既舖頭...所以就決定試一試佢..環境：望住個海咁樣食海鮮..就真係無得頂....一路睇住日落至入黑既景象..真係人生一大樂事。但係衛生就....=.=見到附近地下會有水曱甴...服務：伙計個個都好親切... 效率都好快..!食品： 鑑於唔太想叫套餐既關係（成日形住平野無好）..所以決定散叫....1. 豉椒炒蟶子 $6X - 第一件同第二件食落有沙....但係我男友食就話無沙..我就再試第三件..直至最後個件..果真是無喎..真唔好彩..=.=。 味道就ok!!!肉質都夠爽口彈牙....唯一敗筆既地方就係佢唔夠熱..好明顯既就係碟餸應該把左係個出菜處到超過5分鐘先拎出黎......2. 椒鹽瀨尿蝦 $7X - 雖然係細隻既size。 但係都幾新鮮...一碌就離殼...啖啖肉架!!!3. 薑蔥炒蟹 $7X - 見到食評..各大
夜晚係長洲揾間海鮮食.. 人生路不熟.. 諗住求其揾。但係條北社海傍道來來回回左4..5..次都揀唔到落手...終於上黎openrice度參詳參詳..見到康記都有好評..同埋康記係唯一一間我地來來回回左4..5次都無hard-sell既舖頭...所以就決定試一試佢..
環境：
望住個海咁樣食海鮮..就真係無得頂....一路睇住日落至入黑既景象..真係人生一大樂事。但係衛生就....=.=見到附近地下會有水曱甴...
服務：
伙計個個都好親切... 效率都好快..!
食品： 鑑於唔太想叫套餐既關係（成日形住平野無好）..所以決定散叫....
1. 豉椒炒蟶子 $6X - 第一件同第二件食落有沙....但係我男友食就話無沙..我就再試第三件..直至最後個件..果真是無喎..真唔好彩..=.=。 味道就ok!!!肉質都夠爽口彈牙....唯一敗筆既地方就係佢唔夠熱..好明顯既就係碟餸應該把左係個出菜處到超過5分鐘先拎出黎......
2. 椒鹽瀨尿蝦 $7X - 雖然係細隻既size。 但係都幾新鮮...一碌就離殼...啖啖肉架!!!
3. 薑蔥炒蟹 $7X - 見到食評..各大大都支持推介.. 真係無介紹錯... 佢係咁多樣菜式入面,,味道最吸引!! 薑蔥味道恰到好處...!!!! 完全無蓋過蟹肉既鮮味... 爽彈有嚼勁
4. 蒜蓉粉絲扇貝 $6X - 唔得.. 肉質好鞋..好似蒸過左龍咁... 唔入味..不嘗亦可...
5. 家鄉小炒皇 $4X - 一讚... 韮菜花爽甜!!!!!! 但係入面啲料就唔太入味 ...
食左5樣野,1支可樂,1支啤酒都係＄320..
其實散叫都好架..因為可以叫晒啲海鮮丫嘛!!..
Post
