韓舍朗 (Closed)

食晏，行左好耐都唔知食乜好，最後都係決定食最喜愛的韓國菜。門口見到佢啲套餐價錢Ok，大約$48-$60，於是就入去食啦。佢有個豆腐粉絲鍋幾吸引，只係$48度，但我唔係咁食得辣，所以我最後我都係揀左牛肉石頭鍋飯。石頭飯基本上好難整得唔好食，成個飯一大重點應該係牛肉，但唔太夠味，可惜，不過佢勝在夠大份，大食的我都差啲食唔晒，承惠$55（未計加1）另外佢啲泡菜幾好食。最後想講，間野好多人，難等位，服務態度一般，石頭飯個支醬「遲到」，加水叫左三次，叫埋單用左三個字… 個加一服務費真係唔係好想俾… 完