成都冒菜

Open Now

Now Closed

元朗新開嘅川菜，週末得閒立刻去試試佢！用左openrice連網上外賣平台嘅功能，足不出戶就有川菜食，價錢會貴過堂食少少，但真係好方便！水煮魚平時喺餐廳食都係大菜，通常幾百蚊一碟，要多人Share，但成都冒菜就將佢做成一人份量，配上紅薯粉、麵或者白飯做主食，一人一兜唔一定要share，好似食碟頭飯咁，其實幾方便。外賣價$78一份水煮魚，如果我無搞錯應該係鯇魚片，魚片都幾多，成十幾片，仲有好多配料：豆卜、芽菜⋯⋯足料就好足料，但味道一般。魚片味道ok嘅，唔腥，當然又未去到好新鮮嘅地步，但個湯底唔夠「水煮」，我點左小辣，但食唔到麻味，好大陣胡椒粉味，唔係我印象中嘅「水煮」。