Bold Italic (Closed)

觀塘食晏時候, 好多人都會去工廠大廈啲食肆搵食, 其中駱駝漆大廈應該都有好多人試過。 尋日去咗一間食西餐嘅餐廳食晏, 呢間餐廳喺駱駝漆大廈3座三樓, 呢間餐廳裝修好舒服, 食晏時候唔算多人。一個人靜靜地坐喺度食都好舒服! 今日我叫咗個照燒汁雞扒配薯蓉 ( 你可以配飯,意粉或者沙律菜) 又一個餐湯 一件小牛油多士, 仲有糖水, 同飲品。我叫咗個粟米湯, (或者三魚湯) 粟米湯都ok, 佢應該用新鮮粟米打溶, 飲起上嚟好清甜。照燒汁雞扒配薯蓉, 雞扒煎得好香脆, 薯蓉有少少鹹但係唔夠creamy, 賣相一般。檸檬茶冇乜特別食完仲有一個雪耳糖水送。其實已呢個價錢嚟講, 可能係話食佢嘅裝修 , 環境, 但係呢啲食物質素好似仲比起茶餐廳嗰啲差不多。