必勝客

Open Now

Now Closed

今日娘家提早同老公慶祝生日，懶得煮飯，所以決定叫外賣。其實平時堂食的話真係好少會嚟必勝客，反而係在家聚會嘅時候成日叫。我哋叫咗一個千島海鮮芝脆大批、大蝦意粉、4隻原味雞翼同4條腸仔同茄醬肉丸。 千島海鮮芝脆大批一直都係我嘅首選，總之有千島醬嘅食品我通常都覺得好食，今日個批都唔錯。如果醬落多少少，而海鮮嘅量多返少少會更好，每塊PIZZA都得嗰3幾塊小海鮮粒，有點點失望。焗原味雞翼肉質鮮嫩，肉汁都足夠，但調味就差少少，得層皮食到有少少味，肉就比較淡。腸仔口感麻麻，無彈性，比較林。肉丸都幾好食，茄醬好香濃。（最後因為太飽，大家都食唔落個意粉，拎嚟第二日做午餐）整體來說，不過不失，外賣凍咗始終無咁好食。