金泰屋

Open Now

Now Closed

首先講下蟹肉，軟殼蟹既份量好足夠，有三、四隻到，肉質鮮甜、脆嫩多汁，個咖哩真係好唔錯，香氣四溢，濃稠又唔太濃重，香氣四溢，口感順滑都唔太辣。咖哩亦都加左唔少配料，青椒同紅椒。之後就肉碎茄子飯，本身以為會係乾炒肉碎嘅樣，點知出到嚟喺平時食開嗰種中菜食嘅肉碎茄子飯，有少少令我驚訝，味道嚟講比較一般，冇乜突出嘅位置，但都唔會話難食，不過不失。最後係冬陰公豬肉丸河粉，肉丸鮮嫩多汁，入口爽滑，整體味道不太差，要讚既係份量真係想相多，一個人可能食唔晒。總括黎講，我最推介嘅係咖喱軟蟹，因為味道真係幾好食，性價比對比其他鄰近餐廳來講，算係較高嘅一間，如果喺附近放lunch嘅話都會揀返呢間嚟食。