Video
Read full review
2021-03-12
149 views
樂富近期新開餐廳 𝐆𝐨𝐜𝐡𝐢樓高兩層，富空間感！地下係酒吧區，而樓上就係用餐位置，條樓梯都幾岩大家打卡。除左主打既手工意粉同薄餅，仲有意大利飯同多款送酒小菜供選擇。夜晚嚟到都幾有氣氛 𝘙𝘦𝘥 𝘞𝘩𝘪𝘵𝘦 𝘚𝘱𝘢𝘳𝘬𝘭𝘪𝘯𝘨 𝘤𝘰𝘤𝘬𝘵𝘢𝘪𝘭 任君選擇！真係不醉無歸！好適合同朋友嚟聚聚！𝒜𝓅𝓅𝑒𝓉𝒾𝓏𝑒𝓇▪️温泉沙律 $138温泉沙律 附有熱辣辣既鯷魚醬，食之前點一點浸一浸，就係幫蔬菜浸溫泉既概念?!蔬菜種類唔少，除左青瓜、西蘭花、蕃茄，仲有五款季節精選蔬菜。今次就有爽口帶些微嗆辣既生洋蔥、香甜軟腍既番薯、南瓜、新鮮沙律菜、爽口秋葵。好欣賞嗰鯷魚醬底下有蠟燭熱住，由頭食到尾都可以沾上熱既醬汁。醬汁富鹹香，味道同鹹蛋黃醬有幾份相似。特別鍾意用西蘭花同沙律菜點鯷魚醬！因為真係超掛醬汁！略嫌南瓜偏爽口，不過將南瓜浸耐啲熱下佢就可以解決到呢個問題，仲可以入味啲添ℳ𝒶𝒾𝓃▪️松露意粉 $148完全係為咗呢個松露意粉而嚟。意粉面層舖滿鮮刨黑松露！賣相超吸引！每條意粉都裹滿creamy醬汁，食落同想像中有啲落差，松露香氣無想中咁突岀，反而係忌廉同菇菌作主導。煙肉粗身，鹹香味十足！▪️蟹肉番茄意大利飯 $14
樓高兩層，富空間感！地下係酒吧區，而樓上就係用餐位置，條樓梯都幾岩大家打卡。除左主打既手工意粉同薄餅，仲有意大利飯同多款送酒小菜供選擇。
夜晚嚟到都幾有氣氛 𝘙𝘦𝘥 𝘞𝘩𝘪𝘵𝘦 𝘚𝘱𝘢𝘳𝘬𝘭𝘪𝘯𝘨 𝘤𝘰𝘤𝘬𝘵𝘢𝘪𝘭 任君選擇！真係不醉無歸！好適合同朋友嚟聚聚！
𝒜𝓅𝓅𝑒𝓉𝒾𝓏𝑒𝓇
▪️温泉沙律 $138
温泉沙律 附有熱辣辣既鯷魚醬，食之前點一點浸一浸，就係幫蔬菜浸溫泉既概念?!
蔬菜種類唔少，除左青瓜、西蘭花、蕃茄，仲有五款季節精選蔬菜。今次就有爽口帶些微嗆辣既生洋蔥、香甜軟腍既番薯、南瓜、新鮮沙律菜、爽口秋葵。
好欣賞嗰鯷魚醬底下有蠟燭熱住，由頭食到尾都可以沾上熱既醬汁。醬汁富鹹香，味道同鹹蛋黃醬有幾份相似。
特別鍾意用西蘭花同沙律菜點鯷魚醬！因為真係超掛醬汁！
略嫌南瓜偏爽口，不過將南瓜浸耐啲熱下佢就可以解決到呢個問題，仲可以入味啲添
ℳ𝒶𝒾𝓃
▪️松露意粉 $148
完全係為咗呢個松露意粉而嚟。
意粉面層舖滿鮮刨黑松露！賣相超吸引！
每條意粉都裹滿creamy醬汁，食落同想像中有啲落差，松露香氣無想中咁突岀，反而係忌廉同菇菌作主導。煙肉粗身，鹹香味十足！
▪️蟹肉番茄意大利飯 $148
好推薦大家嗌呢款意大利飯！
每粒飯都裹滿醬汁，啖啖蟹肉味，番茄味反而比想像中低調。面頭仲有條條蟹肉！而唔係蟹柳。
餐廳就結合左傳統意大利方式 同埋日本產米，令到米粒無平時意大利飯既咁硬，質地偏軟，啱晒平時覺得rissoto太硬既朋友仔。
𝒟𝑒𝓈𝓈𝑒𝓇𝓉
▪️𝙋𝙖𝙣𝙣𝙖 𝙘𝙤𝙩𝙩𝙖 $55
為晚餐畫上完美句號嘅甜品！
奶凍超動L！質地超順滑，濃奶香，近乎入口即融。表面仲灑有柚子醬汁，添上一絲清新。
𝒲𝒾𝓃𝑒 & 𝒞𝑜𝒸𝓀𝓉𝒶𝒾𝓁
▪️𝙀𝙨𝙥𝙧𝙚𝙨𝙨𝙤 𝙈𝙖𝙧𝙩𝙞𝙣𝙞 $88
聞落同飲落都好香咖啡味！帶淡淡酒香。
不過甜度對於我嚟講，就偏高左小小。
▪️𝘼𝙥𝙧𝙞𝙘𝙤𝙩 𝘽𝙧𝙖𝙣𝙙𝙮 𝙎𝙤𝙪𝙧 $68
入口好順滑，甜甜地，酸度無想像中咁高。杏仁酒味偏重，個人就唔太鍾意啦。🥂𝙋𝙧𝙤𝙨𝙚𝙘𝙘𝙤 𝘾𝙖𝙙𝙖𝙣𝙯𝙖 𝙋𝙧𝙤𝙨𝙚𝙘𝙘𝙤 𝘿𝙊𝘾 $65/𝘎𝘭𝘢𝘴𝘴
🥂𝙈𝙤𝙪𝙡𝙞𝙣 𝙙𝙚 𝙂𝙖𝙨𝙨𝙖𝙘 ‘𝙂𝙪𝙞𝙡𝙝𝙚𝙢’ 𝘽𝙡𝙖𝙣𝙘 2018 $65/𝘎𝘭𝘢𝘴𝘴
整體而言，環境闊落舒適，夜晚嚟到幾有氣氛，仲有唔少𝘸𝘪𝘯𝘦 同𝘤𝘰𝘤𝘬𝘵𝘢𝘪𝘭 供選擇！味道比想像中岀色，價錢相宜。唔會話好有驚喜，但係都算係可一可再！間中同朋友嚟聚一聚都唔錯。(因為仲有黃金海膽意粉同和牛肉丸想試)
Post
