Video
Read full review
2020-10-11
1590 views
好味指數😋😋😋回頭指數⭐️⭐️⭐️開心指數🤗🤗🤗呢間係街坊式海鮮小菜館，平時好多人食，夜晚7點後一定爆滿，佢嘅食物質素唔錯，小菜小炒好夠鑊氣，去店食係又熱又好味，份量都好多！依家因為限聚令關係，惟有叫外賣！我哋6點幾叫外賣，由打電話到送到嚟都係20分鐘左右，好快！😋好味推界😋🍴西芹黑椒牛柳粒（$88）滿滿一盒，牛柳粒都好多，牛柳夠淋又入味，完全唔會有雪味，黑椒份量剛剛好，惹味又唔會蓋過牛嘅味道，性價比好高👍🏼🍴黑椒豬手皇（$108）之前去過店入面食係用鐵板上菜嘅，風味當然同外賣差好遠，始終鐵板會整到有焦香味，而黑椒汁亦都會入晒豬手度，啖啖肉亦包住黑椒汁，係好惹味嘅；外賣就豬手同黑椒汁分開上，佢另外搵個杯裝住黑椒汁俾你，豬手本身都有味，個皮少少煙韌有咬口亦唔會太硬，肉有少少咬口亦爽口唔太淋又唔「鞋」，沾上少少黑椒汁都係好味嘅～ 如果佢俾埋舊豬手骨可以食下會仲開心！🍴避風塘鮮魷豆腐（$98）鮮魷夠新鮮，豆腐就係切到好細粒，未太feel 到外脆內軟，大粒返少少會更正！避風塘除咗蒜粒辣椒之外都有少少豆豉，好香夠惹味，鹹度適中，唔錯！😶尚可選擇😶🍴椰林莊黃金蝦（$118）之前食過幾次都唔錯嘅，蝦嘅份量
回頭指數⭐️⭐️⭐️
開心指數🤗🤗🤗
呢間係街坊式海鮮小菜館，平時好多人食，夜晚7點後一定爆滿，佢嘅食物質素唔錯，小菜小炒好夠鑊氣，去店食係又熱又好味，份量都好多！依家因為限聚令關係，惟有叫外賣！
我哋6點幾叫外賣，由打電話到送到嚟都係20分鐘左右，好快！
😋好味推界😋
🍴西芹黑椒牛柳粒（$88）
滿滿一盒，牛柳粒都好多，牛柳夠淋又入味，完全唔會有雪味，黑椒份量剛剛好，惹味又唔會蓋過牛嘅味道，性價比好高👍🏼
西芹黑椒牛柳粒
$88
76 views
0 likes
0 comments
🍴黑椒豬手皇（$108）
之前去過店入面食係用鐵板上菜嘅，風味當然同外賣差好遠，始終鐵板會整到有焦香味，而黑椒汁亦都會入晒豬手度，啖啖肉亦包住黑椒汁，係好惹味嘅；外賣就豬手同黑椒汁分開上，佢另外搵個杯裝住黑椒汁俾你，豬手本身都有味，個皮少少煙韌有咬口亦唔會太硬，肉有少少咬口亦爽口唔太淋又唔「鞋」，沾上少少黑椒汁都係好味嘅～ 如果佢俾埋舊豬手骨可以食下會仲開心！
黑椒豬手皇
$108
58 views
0 likes
0 comments
🍴避風塘鮮魷豆腐（$98）
鮮魷夠新鮮，豆腐就係切到好細粒，未太feel 到外脆內軟，大粒返少少會更正！避風塘除咗蒜粒辣椒之外都有少少豆豉，好香夠惹味，鹹度適中，唔錯！
避風塘鮮魷豆腐
$98
100 views
0 likes
0 comments
😶尚可選擇😶
🍴椰林莊黃金蝦（$118）
之前食過幾次都唔錯嘅，蝦嘅份量多，每隻蝦都包住咸蛋黃，好好味呢～ 不過今次D蝦比較細隻，而且唔係太新鮮，唔夠爽口開咗有少少「梅」嘅狀態，係批蝦本身未夠新鮮，今次扣少少分！
椰林莊黃金蝦
$118
57 views
0 likes
0 comments
Post
