桔梗 (Closed)

之前想食呢度好耐 一直見好多人😂😂所以今次一於早一早去食早晚飯原來呢度夜晚有壽喜燒食 多數人都係呢樣不過今日中午好晏食 唔夠餓去食所以都係揀左小食同呢度既皇牌combo😌呢度坐得好舒服 座位好寬敞樓底極高 感覺就是悠閑🙆🏻‍♀️兩杯野飲 葡萄梳打 同 打卡專用-白上一片啡好唔錯 啡味香濃☕️桔梗和牛combo 好豐盛🤩有半份和牛三文治 同 和牛肉燥飯和牛肉燥口感都幾得意 牛肉味香濃和牛三文治炸到五成熟 火候控制得超好 內裡肉汁還在流出😍😍😍等一陣肉汁乾左啲啲就可以食啦～外脆內軟 超軟溶入口 熊本縣生產的極上和牛果然夠牛～🐮炸甜薯條幾香口 配埋酸梅沙律醬 酸甜香脆 好快食完🤣