Dionysus (Closed)

今日第一日試業我就去食咗個晏啦，好少見大埔有d裝修咁靚嘅西餐廳。叫咗兩個set lunch，set lunch 有頭盤或湯，主菜，甜品同咖啡或茶，睇個價錢好超值。頭盤我哋叫咗尼斯吞拿魚沙律，吞拿魚同菜都好新鮮，好好味。主菜就試咗燒牛腹排伴法式甜椒及薯蓉（午餐$108）同香煎石斑伴藜麥（午餐$76）。個牛好有牛味好嫰，d椒煮得啱啱好無炒過淋。好魚好有驚喜，煎得好香口，啱啱好。個藜麥做得好好，食落好清新。兩個main嘅presentation 都好靚。今日甜品係brownie不過我個人不太好，但都不過不失。呢間餐廳喺大埔算係一間幾唔錯嘅選擇，環境唔錯，坐得舒服，服務員態度仲非常好，一定有回頭。