Hungry Elephant (Closed)

星期六, 總是怪怪哋...食完個早餐就太飽而食唔到午餐. 所以行吓行吓就變咗食下午茶😅今天終於記得黎呢間, 成日係呢頭食完晚飯路經呢度就先醒起想試呢間! 在門口就知度有咩食, 開頭只見平時嘅menu表咗係門口, 跟住有個好友善嘅侍應拎住另一張menu走出黎, 睇一睇係Tea set, 望一望, 啱食, 再望多望𥚃面環境都舒服, 便行了入去, 好好彩有枱𥦬口位剛走, 正! 我倆都係未好餓, 所以都無㨂意粉, 揀咗我一向都愛嘅喇沙, 另外就叫了公司三文治, Tea set 不用加錢都可以揀 latte or cappuccino, 感覺多好! 不過我今早早餐已經飲咗咖啡, 所以就由女友享受呢個福利! 有嘢食！ 好香, 好味, 啲海鮮都唔錯, 碗仔細細都有兩隻蜆仔, 一隻蝦, 魷魚, 魚旦豆卜, 但味道就未去到正宗超好味嘅Laksa😛女友杯Cappuccino 到喇, 靚! 香!公治到, 呢個好味呀! 用我喜愛嘅麥包, 用料靚, 鐘意😋食完仲可坐吓傾吓計, 好休閒😌🎶🎶後記, 如果音樂可以細少少仲好, 因我倆已坐在最出窗口旁嘅位都聽到音樂好大聲, 但我哋個位都OK. 仲有, 無加一！