天仁茗茶 (Moved) New Location

早前天仁茗茶推出既鐵觀音雪糕成為左小編同朋友之間既熱門話題，結果今日終於試到啦！雪糕$20一個，只係提供cone, 冇杯裝提供，所以對於中意食杯裝雪糕既我黎講就有d失望，如果有得揀杯裝就更好。雪糕上面插住既百力支係咸咸地，食左一啖百力支再食一啖雪糕就發現好match, 配搭得唔錯！鐵觀音味唔濃，所以好易入口，不過再濃d味道更出就更好！份量好足，唔會中間有個大窿。然後仲試左茶葉蛋，好入味，連蛋黃既顏色都變左同表面同色，味道出乎意料好。舖頭出飲品既地方係自助形式，無論拎飲筒定係比收據都好方便。野食野食上面既label紙都好清楚寫左收據編號同野飲既名，拎錯野飲既機會就低左。