壽司廣

Open Now

Now Closed

難得朋友平日放假，當然要食好東西。一定要預先打黎訂枱，因為佢地都好full下。佢地晏晝做兩場，12pm-1pm或1pm-2pm，得一個鐘食，時間都幾趕。望住師傅整料理有時都係一種享受，內在環境也不錯，但店小所以枱同枱之間距離不大。前菜 - 叫左set所以有餐前小食，前菜都好精緻，味道不錯。日本蒸蛋都蒸得好香滑。十六件自選壽司 - 每款可以揀兩件，揀了中拖羅，三文魚，帶子，海膽，左口魚，瀬尿蝦等等。拖羅好鮮，厚薄適中，不錯。三文魚很肥美，充滿油香，最滿意這款！海膽及帶子也很鮮甜，絕不是平價貨式。反而熟的瀨尿蝦、星鰻則一般。壽司飯也很好味，食得出係手握的，整體壽司質素非常ok. 天婦蘿飯 - 脆漿做得好好，唔會好厚粉。d蝦咬落去卜卜脆，又大隻又新鮮。海苔都炸得好香口。抹茶慕絲 - 味道一般，抹茶味唔濃。整體而言，主菜整體都好味，壽司不可以錯過。之前食過午餐同晚餐，質素差不多但晚餐價錢貴一倍，所以會再次黎食午餐。