日本野 (銅鑼灣廣場二期) (Closed)

今日收咗工之後黎呢到食野，一個樓層，有齊三間唔同特色嘅餐廳，分別係Thaiology, Mini Friday同日本野；我就揀左日式。第一個餐，我叫咗個石燒牛，食左個牛小排。餐廳上菜嘅速度非常之快，店員好快就已經準備好個爐同埋肉，而且賣相都不俗。在爐上塗上一層薄油，牛肉在爐上面慢慢燒，我鐘意略生，所以大概燒10秒左右，油脂豐富，牛肉帶筋，配上三款不同調味，分別是蜜糖芥茉醬、蒜蓉、鹽，按自己喜好選擇，我卻偏好鹽。牛味會保留得更完整。之後我就叫咗一個蕃茄龍蝦壽喜燒，龍蝦有半隻，餐廳好貼心，準備埋鐵鉗，這一個壽喜燒裏面還有菜、墨魚🦑，湯底有濃郁蕃茄味，頗為濃味。飲品最後叫咗一杯凍朱古力，套餐價加$12，可以自由選擇甜度同冰量，安排貼心。