Video
Read full review
2006-05-08
6 views
一向少踏足大埔既我，今日黎搵個fd 同佢慶祝B'day，終於有機會黎試啦。三個人點左：羊肉中東飽- d 羊肉味道唔錯，但中東飽較遜色，唔感佢有烘過。海鮮墨汁意粉- 比想像中既好，抵讚。食過好幾間餐廳既墨汁意粉，好多時都係得個顏色，食唔出有墨汁味，但呢度既係食得出。加上墨汁意粉既軟硬控制得恰到好處，有口感。個醬汁係creamy 但又有少少醒胃。海鮮材料有蝦(ok 爽)、青口(一般)、魚塊(ok)、魷魚(幾好)、墨魚(ok)等，幾豐富。辣雞肉pizza - 首先黎既感覺係... 份量大(已經係叫一半- 6 塊)。pizza 批底係脆、但可能汁太多，所以批既面同中間都係較濕，即係話除了最底層外，都唔脆，烘耐少少會更好。雞肉幾好，配洋蔥亦夾，但稍為辣了少許。唔係覺得個pizza 唔好食，只係覺得焗耐多一陣會更好。麵飽同沙律(餐廳送) - 兩樣都唔掂。麵飽唔鬆軟，比一般西餐廳既差。而油醋亦唔及出面既好。沙律- 有生菜、洋蔥、車厘茄都係加左油醋，味道很一般。Fat Angelo's 都係有得送，但人地既好食好多。最後大家都係食唔晒，有3 件pizza 要打包。一路食既時候見到d 人走大部分人都係拎
三個人點左：
羊肉中東飽- d 羊肉味道唔錯，但中東飽較遜色，唔感佢有烘過。
海鮮墨汁意粉- 比想像中既好，抵讚。食過好幾間餐廳既墨汁意粉，好多時都係得個顏色，食唔出有墨汁味，但呢度既係食得出。加上墨汁意粉既軟硬控制得恰到好處，有口感。個醬汁係creamy 但又有少少醒胃。海鮮材料有蝦(ok 爽)、青口(一般)、魚塊(ok)、魷魚(幾好)、墨魚(ok)等，幾豐富。
辣雞肉pizza - 首先黎既感覺係... 份量大(已經係叫一半- 6 塊)。pizza 批底係脆、但可能汁太多，所以批既面同中間都係較濕，即係話除了最底層外，都唔脆，烘耐少少會更好。雞肉幾好，配洋蔥亦夾，但稍為辣了少許。唔係覺得個pizza 唔好食，只係覺得焗耐多一陣會更好。
麵飽同沙律(餐廳送) - 兩樣都唔掂。麵飽唔鬆軟，比一般西餐廳既差。而油醋亦唔及出面既好。沙律- 有生菜、洋蔥、車厘茄都係加左油醋，味道很一般。Fat Angelo's 都係有得送，但人地既好食好多。
最後大家都係食唔晒，有3 件pizza 要打包。一路食既時候見到d 人走大部分人都係拎住袋野，估計好多人都係食唔晒要打包。
環境都ok，睇到食評d 人話呢度嘈，我就唔覺。但可惜大埔比較遠(以我屋企計..)，要專誠入黎既話，我會揀去第二間囉。因為佢又未好到要專登入黎食。但咁既價錢有咁既質素同份量又真係幾抵既。
有一方面要讚一讚- 我係walk-in 的，同佢講左3 位之後佢會問你既電話。之後佢有位就會打俾你。唔似其他餐廳淨係叫號碼，人唔到就唔理，過左仲未返就算。
Post