北海道毘沙門零 (Closed)

繼麺屋豆の詩後, 新既就係厘間毘沙門零, 佢地真係有好多款唔同既湯選擇, 好有特色~有豬骨、麵豉、鹽味、豉油湯! 真係有D想全部都試下.....我喜歡麵豉湯既,梗係要先試試佢地既麵豉湯做得好唔好啦~ 所以叫左個"札幌味噌特製拉麵"!!厘個拉麵我好開心見到有荀, 有粟米, 始終我都係鍾意一碗拉麵有厘兩樣野!至於個湯, 其實係好味既, 有少少杰, 雖然係冇咁濃味 (比起麺屋豆の詩的係冇咁濃烈), 但就係唔太濃,可以將D湯飲晒~ 另外, 湯入面係有D肉碎, 都幾特別!! 肉碎唔會"孩", 配合埋個湯係幾好味!而麵條係有口感, 麵條有彈性, 我喜歡這種麵條! 流心蛋方面, 蛋黃部份唔夠甜, 但外層就夠味! 都做到流心既感覺, 都OK! 但可以更好!叉燒方面, 的確邊位係有D燒焦味道, 但食落又幾香口, 唔錯~ 而且脂肪同肉比例均稱, 唔會溜! GOOD! 最後, 仲叫左個餃子厘個餃子係煎過再加左D醬汁落去, D醬汁就似八爪魚丸上面既醬! 其實我會比較喜歡就咁煎! 因為醬汁味濃,搶走左餃子既味道!! 但餃子餡料豐富, 皮可以更薄~ 餃子都算OK! 整體來說, 毘沙門零係六間中都可以一試既!!