Video
Read full review
2013-03-10
528 views
忽然好想吃海鮮，但老公喺屯門收工入西貢會好晚，可能乜都賣哂，其他地方又唔熟，老公忽然醒起飯堂附近有間食蟹的，每次經過都會望下，不如去呢間啦！由於我近，去到攞位都係7點多，冇乜人開餐，所以唔駛等位，不過坐下坐下就已 fill up 大部份枱，可能因為有一半俾人包左場，所以顯得好少位啦！個格局有點像普通酒樓，甚至有點老牌酒樓 feel ，我呢期好 like 懷舊，所以覺得好 ok!!!老公未嚟，先點個堂灼海哲頭(HK$38)做餐前小吃啦！個辣椒豉油幾好味，但我更愛 Wasabi，請經理幫我問大廚攞啲嚟點，可以辟腥之餘亦帶出鮮味。除左大餐牌外，仲有特惠小菜餐牌，都算經濟，如豉椒炒蜆﹑魚湯浸辣蜆都係HK$58，即刻點番個啦！另外點了芝士(汁)椒鹽鮮魷(HK$88)，蝦醬蒸豬頸肉($58)，蟹油炒麵(HK$68)，梗係唔少得是晚主角避風塘炒蟹啦！隻蟹有點像斯里蘭卡肉蟹，但我唔知係唔係，HK$25一両，我地兩個人點隻細既都26両，即HK$650一隻！佢有幾隻生蟹樣本俾客睇大小，唔錯！講番碟蟹，上桌比預期中細，只見好多艇醬，但個蟹鉗都係啖啖肉既算鮮甜，但比起星州吃既無招牌胡椒蟹仍有距離。魚湯浸辣蜆個
由於我近，去到攞位都係7點多，冇乜人開餐，所以唔駛等位，不過坐下坐下就已 fill up 大部份枱，可能因為有一半俾人包左場，所以顯得好少位啦！個格局有點像普通酒樓，甚至有點老牌酒樓 feel ，我呢期好 like 懷舊，所以覺得好 ok!!!
老公未嚟，先點個堂灼海哲頭(HK$38)做餐前小吃啦！個辣椒豉油幾好味，但我更愛 Wasabi，請經理幫我問大廚攞啲嚟點，可以辟腥之餘亦帶出鮮味。
除左大餐牌外，仲有特惠小菜餐牌，都算經濟，如豉椒炒蜆﹑魚湯浸辣蜆都係HK$58，即刻點番個啦！另外點了芝士(汁)椒鹽鮮魷(HK$88)，蝦醬蒸豬頸肉($58)，蟹油炒麵(HK$68)，梗係唔少得是晚主角避風塘炒蟹啦！
隻蟹有點像斯里蘭卡肉蟹，但我唔知係唔係，HK$25一両，我地兩個人點隻細既都26両，即HK$650一隻！佢有幾隻生蟹樣本俾客睇大小，唔錯！講番碟蟹，上桌比預期中細，只見好多艇醬，但個蟹鉗都係啖啖肉既算鮮甜，但比起星州吃既無招牌胡椒蟹仍有距離。
魚湯浸辣蜆個湯好像胡椒豬肚湯，冇魚腥味，唔吃魚既我都喪飲，蜆既份量足，但有啲吐砂唔夠，都食到有砂粒。
芝士椒鹽鮮魷好好味，芝士汁算濃之餘又唔會整腍個魷魚，啲汁又可以撈飯，正！
蟹黃油炒麵就冇蟹黃味，像普通既豉油皇炒麵，麵炒得乾身，但你話用蟹油炒喎...唔知有咩分別，又冇蟹味既！收我 HK$68感覺有點不對板... 一係你當普通豉油皇炒麵嚟食，你會開心啲既...
蝦醬豬頸肉唔夠蝦醬味，味道一般，因為得兩個人，太多野食，呢碟打包回家做第二餐好了！
是晚免費甜品為木瓜雪耳，雖然我唔食，但好少酒樓會送呢啲滋補糖水呢！
我還想試佢既咕嚕肉﹑沙拉骨﹑ wasabi 牛柳等，所以下次還會再去的！
Other Info. :
侍應服務不錯
(The above review is the personal opinion of a user which does not represent OpenRice's point of view.)
Post
