千樂燒味餐室 (Closed)

好多燒味店，都係主打燒鵝，但係都係得個名，都唔好食嘅。經過千樂見到掛起啲燒鵝都唔錯，所以入去整返個下午茶。為咗唔好中伏，叫咗個下午茶燒鵝瀨同埋一個例湯先。鵝瀨送到，有幾嚿細鵝髀，同埋幾舊應該係鵝背，嗰啲皮雖然唔係好脆，但係都唔錯，而嗰啲鵝肉，亦都鬆化好味。跟住叫多一碗燒鵝叉燒幼麵，竟然有三舊小鵝髀同埋啲叉燒睇落都唔錯，但係叉燒食落比較柴一啲同埋味道好之普通。至於跟例湯，眉豆煲雞腳，一係好普通的例水。飲後有少少口渴。唔夠喉，整到客西多士。賣相唔錯，味道亦都唔錯，成枝糖漿奉上。連飲品$31 ，超值。