品越越式料理 (雅蘭中心) (Closed)

同舊同事來吃飯，出旺角就方便大家。餐廳環境幾好，幾寬敞，可以好好傾談。兩個人叫咗三樣菜色，分別係金菠蘿炒飯、香茅椰子雞湯、春卷同一杯飲品。飲品我要飲，所以就評唔到了。炒飯屬正常水準，有兩雙蝦，兩粒帶子同少少魷魚。蝦都算大隻，但都係雪藏貨，所以冇乜味。但整體都ok。雞湯就煮得幾好味，香茅味好香，不過，雞湯始終都係比較油，要撇下油先飲會健康啲。春巻炸得幾好，啲料都好足，吃時忘了沾魚露，如果唔係應該更好味。