外灘軒 (Closed)

老婆收工話想去食上海菜，之後諗到呢度都食過幾次，質數都尚可，我就早d去等位，好好彩早到左，2個人都好快有位。老婆到左之後，就由佢點餐，佢鍾意食點心，就點左小籠包及鍋貼。鍋貼熱辣辣，大大隻，餡料又多，每人食兩隻都有d飽肚，至於小籠包都不差，好多湯汁。每次來到都必定點選呢兩樣點心另外我地叫左半隻片皮鴨2食，不過就等左好耐囉，起碼都有半個鐘，亦都吹左幾次單先來到。鴨件唔算大件，兩個人食就岩岩好。其他鴨件就用黎整津白豆腐鴨湯，豆腐非常之滑，個湯唔錯。