堅韓牛韓燒放題 (Closed)

依排朋友好興奮咁約我，話要帶我食韓牛。價錢只不錯係三四百蚊，餐廳位置好易搵，坐位都算幾闊落。一坐底就急不及待，叫左一台牛肉，西冷，牛肉粒，選擇都好多款。除左牛肉都幾出色之後，我自己另一樣幾鐘意就係白菜仔，熱喇喇既牛肉再配埋凍既白菜仔，非常絕配！當然熱既小食都唔錯，淨係芝士餅都叫左四舊！除左飲品任飲之外，仲有雪糕食，雖然款式唔多。但勝在不限杯數，我地一人都食左兩杯。依一餐真心幾滿足，絕對會再幫襯過！