Primo (Closed)

來到PRIMO 晚餐， 叫了一個小食，兩個主菜和一個甜品。甜薯條（ 配芝士醬和甜辣醬）： 香脆夠熱， 甜薯味濃郁， 芝士醬無沙律醬咁酸， 亦有淡淡的芝士味，和甜薯頗夾。 如果甜薯可以再厚身啲就完美。 扇貝， 蝦和煙肉卡邦尼醬（ 配緞帶麵） ： 有驚喜！PRIMO 嘅意粉有四種不同嘅選擇，分別係扁麵條（Linguine），寬帶麵 （Pappardelle) ，意大利 (Spaghetti ) 和 緞帶麵 (Fettuccine)。有見緞帶麵在其他餐廳比較小見，便選擇了緞帶麵。緞帶麵煙韌有咬口，比普通意大利粉多了一份質感，配上卡邦尼醬，入口CREAMY，好味。 用料方面亦十分出色，餐牌上寫上扇貝，本以為是珍珠貝，想不到是大大粒的帶子，而且味道鮮甜。蝦仁爽口亦有蝦味，要知道，有不少餐廳都是選用沒有蝦味玻璃蝦。 墨西哥雞肉和香腸披薩：一入餐廳就見到有大大部焗爐，對PIZZA有一定的期望。PIZZA 做到外脆內軟，邊邊位十分香脆，餅底鬆軟，雞肉十分惹味，香腸有特式，不是平時吃的意大利圓形薄身辣肉腸，我會將它比喻為有臘腸風味的西式香腸，味道鮮美。墨西哥辣淑亦令PIZZA 錦上添花，好味。榛子醬芝