Video
Read full review
2019-01-11
4222 views
同好姊妹嘅飯局暨收手信大滿足之夜第一次黎養心殿，佢可以揀兩款湯底，收價錢較高o個個，我地揀左麻辣鍋（微辣）同酸菜白肉鍋，另送鴨血一份。其實麻辣鍋本身係冇得揀微辣架，但店員見到我地好猶疑，就主動叫廚房幫我地調節下。一上檯見到嘩，好多辣椒同辣椒核喎，為免我地頂唔順，決定都係整走哂佢，剩係留低香料同其他唔辣嘅配料，對我地黎講就岩岩好。附送嘅鴨血麻辣鍋本身都有鴨血幾塊，同埋四件千層豆腐，酸菜白肉鍋味道好特別，淡淡的酸甜，唔會太清或太濃，入面有娃娃菜、白肉、番茄同埋透明嘅薯粉，索哂湯底嘅精華，全部俾我地一掃而空。餐廳嘅一角設有醬料區，款唔算太多，有豉油、蒜汁、蔥、莞茜、辣椒等等，個蒜汁好惹味，令成個醬料味道昇華，不過其實個湯底好味，就咁食都夠味，醬汁只係錦上添花。我黎之前已經決定一定要叫台灣水蓮！上次去台北打邊爐食過一次之後好難忘，脆脆既口感，成條都沾滿醬汁，清新好味。$88叫個菜唔算平，不過香港暫時我剩係搵到呢度同養生麵有得食，都豪一豪啦。餐牌仲有其他飛機直送嘅菜，例如珍珠筍、青江菜、A菜等等，我都好想食，留返下次啦呢度嘅丸好特別，我地叫左黑松露蝦丸同芝士牛肉丸，全部都係手打架，黑松露蝦丸有好
第一次黎養心殿，佢可以揀兩款湯底，收價錢較高o個個，我地揀左麻辣鍋（微辣）同酸菜白肉鍋，另送鴨血一份。其實麻辣鍋本身係冇得揀微辣架，但店員見到我地好猶疑，就主動叫廚房幫我地調節下。一上檯見到嘩，好多辣椒同辣椒核喎，為免我地頂唔順，決定都係整走哂佢，剩係留低香料同其他唔辣嘅配料，對我地黎講就岩岩好。
附送嘅鴨血
麻辣鍋本身都有鴨血幾塊，同埋四件千層豆腐，酸菜白肉鍋味道好特別，淡淡的酸甜，唔會太清或太濃，入面有娃娃菜、白肉、番茄同埋透明嘅薯粉，索哂湯底嘅精華，全部俾我地一掃而空。
餐廳嘅一角設有醬料區，款唔算太多，有豉油、蒜汁、蔥、莞茜、辣椒等等，個蒜汁好惹味，令成個醬料味道昇華，不過其實個湯底好味，就咁食都夠味，醬汁只係錦上添花。
我黎之前已經決定一定要叫台灣水蓮！上次去台北打邊爐食過一次之後好難忘，脆脆既口感，成條都沾滿醬汁，清新好味。$88叫個菜唔算平，不過香港暫時我剩係搵到呢度同養生麵有得食，都豪一豪啦。
餐牌仲有其他飛機直送嘅菜，例如珍珠筍、青江菜、A菜等等，我都好想食，留返下次啦
呢度嘅丸好特別，我地叫左黑松露蝦丸同芝士牛肉丸，全部都係手打架，黑松露蝦丸有好濃黑松露味，但因為有蝦個味道好鮮，芝士牛肉丸好熱要小心食，因為裡面有會流心嘅芝士！兩款都好彈牙，牛丸夠哂牛味，正。
牛肉有幾款，$138-$338不等，我地揀左$178霜降肉眼肥牛，其實都係求其揀，不過又唔錯喎，睇相就知個雪花幾靚，唔會食到太多油或者整到個湯底充滿油份，每塊都唔細，有牛味，唔鞋口。
只有麻辣湯底有跟千層豆腐，我想試埋酸菜白肉湯嘅千層豆腐喎，就決定自己叫碟。我覺得食呢個切忌心急，因為一係就會燙到個口，一係就要禁走哂D汁先食，會好失色，最好就係等佢慢慢凍，之後放入口等湯汁慢慢爆出黎！
呢度嘅茶都好飲，夠哂消滯，阿姐仲時不時主動走過黎幫我地加茶，服務唔錯。
最後，要多謝好姊妹一大袋嘅韓國手信，好滿足呀！
Post
