坤記麵家

Open Now

Now Closed

十幾年冇去過油塘，今日攞架車去整，要兩三個鐘先攞得返架車，就周圍行下。驚見到個招牌非常 sharp 醒，走過去睇下，見到有魚麵，叫咗個牛腩魚麵加腩汁，再跟杯熱央。牛腩唔係潮流最興嘅清湯腩，亦都唔係柱侯炆牛腩，而係類似豉油汁的牛腩，牛腩就一般，沒有驚喜，也沒有驚嚇。反而見到個魚麵，看似好硬，立即心情一沉。心諗，叫咗好唔好都要食吓。點知食落有驚喜，魚麵好Q彈，有咬口，彈牙，亦有魚味；同市面上一般較淋身的魚麵绝對不同，真係各有各好。杯熱鴛鴦多奶，顏色比較深，文就冇乜茶味，但係飲落都ok，茶味及咖啡味都幾平衡。大約十一點半開餐，最初得我同另一台客，但係越食越多客嚟，附近街坊，做工程嘅都有，似乎都幾受街坊歡迎。