隨變燒烤麻辣雞煲

Open Now

Now Closed

同事介紹話文匯街有間隨變燒烤麻辣雞煲，雞煲有別於濃稠醬汁的煮法，那裡的雞煲是用麻辣湯做湯底，味道超正，今晚就同老公過嚟試吓！店舖地方不大，但都整潔乾淨。有多種雞煲湯底可以選擇，亦可依照自己喜愛的辣度做挑選。 隨變回味麻辣雞煲 ：湯底係用豬骨、火腿骨、雞殼再配上有中藥成份的藥材熬煮，味道濃郁有層次，配上半隻三黃雞熬煮，上檯時香味四溢，雞肉吸飽湯汁精華後，不單肉質鮮嫩，還很入味，雞煲湯底味道麻辣中帶鮮甜，十分惹味！火鍋配料亦有不少選擇，用料上乘又新鮮。脆鯇片：肉質結實、清爽、脆口。手打蝦丸和墨丸 ：爽口彈牙，滋味鮮美。鮮蝦雲吞皮薄饀靚，包裹著原隻鮮蝦，靚蝦新鮮彈牙。芝士腸包含著芝士味既肉腸，. 芝士既香味，同肉腸既甜味夾合，令人食不停口。高質午餐肉厚切，加埋個出前一丁，又有雞湯做湯底，味道更勝一籌！店內除了雞煲外還有燒烤串燒。一夜情：原來是去骨雞翼包內有小香腸，雞翼燒得香口，加埋小香腸增加口感，十分美味！食雞煲和串燒一定少不了凍啤酒和汽水。