利寶閣 (Closed)

同姊妹去奧海城shopping，不知不覺行到巳經係時候要食晚餐，經過利寶閣酒家，見門面好企理又光鮮。地方寬敞，天花頂燈飾高貴典雅；套裝茶杯碟有歐陸風情色彩。侍應介紹酒家出名嘅套餐，豚肉叉燒飯加一燉盅佛跳牆；义燒肉嫩脂香、太陽蛋伴碟熟度剛剛好，有滑溜口感，飯粒粒輭棉得嚟有爵勁，確係與別不同👍。加一盅熱辣辣嘅佛跳牆，湯料豐富又矜貴；有魚翅、冬菇、鮑魚、老雞同廋肉等燉製而成，令我滋味忘不了😋。竹笙珍菌燴上素，當然唔少得爽口嘅竹笙；仲有雲耳，多種菇類同鮮嫩菜心。碧綠炒班球有紅、黃椒同西芹襯托；色香味齊全好夠鑊氣。今餐確係佳餚饗宴。