鮨境

Open Now

Now Closed

朋友 S 想去日本旅行想到瘋啦，好啦，就搵個Lunch time 相約稍聚一個午餐，在鮨境預先訂了位，由職員帶位安排了面向窗口位置，我們耐心地等候師傅的安排。同師傳口中得知，師傅已有三十多年日本料理經驗，且新鮮食材都是空運來港，貫切對食物品質的要求，令我們二人都好期待。第一道Omakase 前菜是天使蝦、海蜇、柿餅，天使蝦彈牙，海蜇爽口，配上香軟柿餅，三者之間恰到好處。然後開始上刺身，伊佐木，新鮮肉質實淨；北海道櫻花蟹，一絲絲蟹肉，鮮甜無比；北海道象拔蚌，象拔蚌口感爽甜，放少少芥末更提升味道層次；縞池魚，色澤晶瑩，比較油香；當造的鰆魚，口感軟滑甘香；墨烏賊伴烏魚籽，是時令當做的，烏魚籽提升了墨烏賊的鮮甜；最後一款刺身是吞拿魚腩，中吞拿魚腩夠滑無筋👍，食得津津有味。繼而到壽司，甜蝦壽司、當造的梭子魚，火炙過尤其甘香、帶芝麻香且肥美的赤身、魚油豐富的大吞拿魚腩、鮮甜的北海道馬糞配紫菜、以及香蔥吞拿魚腩手卷，吞拿魚腩是多到滿瀉。除了凍食，師傳亦安排了一道熱食，燒鰤魚鮫，外皮燒得微微焦脆，肉質軟滑多汁。的確，這個質素需要多少年功夫才做到出來，雖然未能去日本旅行，但都望梅止渴著先。