227甜棧 (Closed)

經常同朋友係旺角食飯，食完飯仲想繼續傾偈，平平地可以去邊？呢間糖水舖必定係我既選擇之一。呢度啲糖水好正氣，有黑/白豆腐花、有綠茶奶凍（後生女首選），有芋丸、蕃薯丸、山芋、仲有可配黑糖或薑糖。夏天既時候，我最鍾竟食愛玉凍花釀，睇落去已經清涼透心，食落之後消消夏天悶熱。冬天我最鍾意黑豆花配芋丸加薑糖水，食完個胃暖暖的。呢度有自助茶水提供，真係最啱我呢啲口水多過浪花既客人。呢度啲侍應唔會吹你走，個個都好有禮貌。當然，見到外邊排晒長龍就識趣吧。