泰妹餐廳 (Closed)

黃埔又有新食店開，馬上去食過午餐先！店內裝修明亮，環境氣氛優閒，有部份地面舖上七彩圖案地磚， 色彩奪目！ 座位舒適， 枱與枱之間，不會太近， 感覺良好！泰式蝦炒金邊粉， 大大隻彈牙爽口蝦配配小量切絲豆腐乾， 味道帶甜有蕃茄味， 好醒胃😋。 泰式去骨海南雞飯， 香滑無骨雞件， 食落啖啖肉，配雞油飯， 並不油膩 ， 值得一試。午餐加$18可選1款小食，有雞翼，魚餅及炸春卷任擇。 春卷鬆脆， 魚餅好香口，熱騰騰上枱， 聞到陣陣香味 。凍青檸梳打及熱青檸水，解渴之選。新店剛開業，有些飲品暫未有供應， 如果有齊就可以多個選擇啦 ！