Video
Read full review
2010-10-15
380 views
送別了嫦娥吳剛，送別了炎熱既夏天，踏進秋意漸濃既季節，彷彿要告訢大家又係攪事既時候，嘩鬼細胞要起動．．起動喇．．．！１０月份負起了揭開熱閙節慶序幕既責任，打頭炮有開懷暢飲既德國啤酒節，跟著係猛鬼出籠既 Halloween，兩者都令人熱血沸騰，誓將投入旋風式忘我既慶祝氣氛裡！今年德國啤酒節捨棄了蘭桂坊、酒店、餐廳，決定黎一個新嚐試，移施快活谷。對快活谷認識可謂唔深，對上一次到訪都係參加某大電訊公司既新機發佈酒會。但原來馬會從幾年前已開始响快活谷啤酒園舉行德國啤酒節，曾專情邀請德國名厨烹調美食，啤酒園既範圍更由跑道對開既草地增至１樓看樓，另外當場仲有為德國啤酒節而設既啤酒競飲擂台，舉杯耐力戰等，當然唔少得德國啤酒同特式美食啦，係咪好吸引呢！不過最大既 Gimmick 係一邊慶祝、一邊欣賞夜馬賽事，雙重感受，雙重氣氛！大約７點半到達快活谷公眾席既入口，入場需繳付$10蚊既入場費，入閘後直行不遠處就見到露天既啤酒園，跑道柵欄就近在咫尺，果真近距離，無錯！現場已擺放左售賣啤酒、食物既帳篷，我地一眾急不及待買左兩 Jar Erdinger，就地先黎個 Cheers，Happy German Bee
１０月份負起了揭開熱閙節慶序幕既責任，打頭炮有開懷暢飲既德國啤酒節，跟著係猛鬼出籠既 Halloween，兩者都令人熱血沸騰，誓將投入旋風式忘我既慶祝氣氛裡！
今年德國啤酒節捨棄了蘭桂坊、酒店、餐廳，決定黎一個新嚐試，移施快活谷。對快活谷認識可謂唔深，對上一次到訪都係參加某大電訊公司既新機發佈酒會。但原來馬會從幾年前已開始响快活谷啤酒園舉行德國啤酒節，曾專情邀請德國名厨烹調美食，啤酒園既範圍更由跑道對開既草地增至１樓看樓，另外當場仲有為德國啤酒節而設既啤酒競飲擂台，舉杯耐力戰等，當然唔少得德國啤酒同特式美食啦，係咪好吸引呢！不過最大既 Gimmick 係一邊慶祝、一邊欣賞夜馬賽事，雙重感受，雙重氣氛！
大約７點半到達快活谷公眾席既入口，入場需繳付$10蚊既入場費，入閘後直行不遠處就見到露天既啤酒園，跑道柵欄就近在咫尺，果真近距離，無錯！現場已擺放左售賣啤酒、食物既帳篷，我地一眾急不及待買左兩 Jar Erdinger，就地先黎個 Cheers，Happy German Beer Festival！正要準備到１樓觀眾席時，職員介紹２樓露台，經實地視察後，眾人都認為氣氛唔及１樓，對觀看賽事而言，１樓亦係最佳位置，於是就晌１樓露台展開我地慶祝之夜。
當時可見地面已佈滿密密麻麻既人，１樓聚集既人亦愈黎愈多。１樓不但有投注櫃位，亦設有售賣食物既地方，唔使專登跑到地面。可惜輪候人打曬蛇餅，而好多特式德國食物已暫停，有ｄ失望呀！整個過程需差不多４５分鐘才能完成，終於買到以下食物醫肚。
Erdinger 啤酒：
飲左大約10 Jar，停不了的好味。
德國香腸、薯仔及菜絲沙律：
味道OK，不過不失！
雞肉串燒：
雞肉比預期中滑，份量唔細，認真飽肚！
德國鹹豬手：
好香，亦算做到水準，但還是覺得 King Ludwig 味道同香脆程度較佳。不過話得說回來，售價平宜1/3分，非常抵食！
德國鹹包：
印象中德國鹹包應該有著鹹香既味道，呢一次食到既竟然全無味道，連一點鹹味都無，就當係普通麵包吧！
朋友們都係爛玩精，加上本身Natural High 既特質，唔使好耐已認識左隔離既老外們，仲有一位黎自芝加哥既 Halloween 化裝師打成一遍，一齊食、一齊飲、一齊為賽事歡呼打氣，相信我地係當晚最觸目既一群，引來旁人艷羨既目光，嘻嘻！
反觀整晚都無參與過大會安排既遊戲，好大可能基於樓層阻隔關係，好難產生互動。無論點都好，德國啤酒節又提供一個好好既機會比繁忙既都市人放鬆同減壓，而快活谷應該係收費最廉宜且能與馬同慶既啤酒節，有興趣朋友下星期三係今年快活谷啤酒節舉行既最後一晚，不坊一試！
Post
