Video
Read full review
2010-11-04
12 views
上星期四, 師傅好記得呢一日, 皆因呢日絕對係大日子, 何解? 原因係師傅約左好友食家"乜都放入窿"宵夜, 但師傅點都冇諗到好友食家"乜都放入窿"竟然會揀呢間食店, 皆因呢位地獄黑仔王前後黎左三次, 三次師傅都與"窿"同行, 但三次都敗興而回; 第一次例假, 第二次賣晒, 第三次就無啦啦休息, 好友食家"乜都放入窿"已經話到明唔會再黎, 但最後還是和師傅一樣四顧堂記, 其實黎呢度最主要原因係就師傅, 既然咁有恆心, 當然有得食啦!去到食店剛好凌晨十二時正, 店內人生人海, 兩大食家黎到都仲要等位, 真係令師傅同好友食家"乜都放入窿"有少少不耐煩, 不過食好野等一陣亦不為過! 等嘅過程, 好友食家"乜都放入窿"就問下個姐姐可唔可以落定單先, 結果當然係唔得啦, 唯有等到有枱先算啦; 好唔容易先有張枱, 一坐底就聽到個姐姐話 “粥賣晒”, 聽到咁個心都灰左唔少, 於是商量一陣就決定柯打豬潤腸, 燒鴨腸同埋魚片蝦米腸; 轉個頭個姐姐又話魚片賣晒, 於是就決定要個叉燒腊腸腸!落完單後, 師傅繼續同好友食家"乜都放入窿"吹下水, 玩下ipod咁, 點解? 由落單到有得食至少要等半粒鐘, 如果唔
去到食店剛好凌晨十二時正, 店內人生人海, 兩大食家黎到都仲要等位, 真係令師傅同好友食家"乜都放入窿"有少少不耐煩, 不過食好野等一陣亦不為過! 等嘅過程, 好友食家"乜都放入窿"就問下個姐姐可唔可以落定單先, 結果當然係唔得啦, 唯有等到有枱先算啦; 好唔容易先有張枱, 一坐底就聽到個姐姐話 “粥賣晒”, 聽到咁個心都灰左唔少, 於是商量一陣就決定柯打豬潤腸, 燒鴨腸同埋魚片蝦米腸; 轉個頭個姐姐又話魚片賣晒, 於是就決定要個叉燒腊腸腸!
落完單後, 師傅繼續同好友食家"乜都放入窿"吹下水, 玩下ipod咁, 點解? 由落單到有得食至少要等半粒鐘, 如果唔係咁點燒磨啲時間呀! 等下等下, 終於等到有得食喇, 燒鴨腸同豬潤腸同時登場, 於是即刻開餐; 先講下燒鴨腸, 燒鴨腸其實之前師傅已經食過一次, 上次嘅感覺仍記憶猶新, 是次一試發覺水準依舊; 腸粉係做得又薄又滑, 加上內裡嘅燒鴨就十分香酥, 肉質非常鬆軟, 絕對唔韌, 蒸嘅時間真係調教得洽到好處, 入口後絕對有種欲罷不能嘅感覺, 而配上不多不少嘅豉油, 絕對冇搶走到燒鴨嘅香味, 真的非常好食!
食左燒鴨腸後, 師傅就即刻試下豬潤腸, 腸粉質素已經不需再講, 但內裡嘅豬潤絕對值得一讚, 豬潤非常爽口, 蒸嘅時間又係洽到好處, 而且味道唔苦, 仲帶著一份濃濃嘅豬潤香味, 而呢種香味相信係每個鍾意食豬潤嘅人都喜愛的, 整體除左創意夠之餘, 水準亦真的十分之高, 好好食呀; 最後叉燒腊腸腸亦登場, 叉燒腊腸除左配撘新鮮, 入口亦別有一番味道, 師傅將成舊腸粉放入口, 口中除左濃濃嘅腊腸味外, 就別無其他; 不過亦吃得出叉燒係肉質鬆軟, 可惜係不少少叉燒燒過嘅味都冇, 而腊腸本身非常香濃, 加上絕對唔硬, 再配上滑身嘅腸粉, 整碟叉燒腊腸腸亦絕對可觀, 不過師傅覺得吃腊腸腸可能更具欣賞價值!
總括黎講腸粉質素非常了得, 而且又夠創意, 雖然呢間唔係新嘅食店, 但對於第一次黎嘅人依然係有驚喜; 環境係坐街邊, 衛生尚算乾淨, 服務態度始終麻麻, 不過亦可以接受到, 對呢d老店係冇得要求架喇, 價錢都就唔貴, 三樣野埋單四十七蚊, 都算抵食! 師傅前後黎左六次, 先至食到兩次, 而好友食家"乜都放入窿"亦平師傅記錄, 前後四顧堂記, 終於能夠初嚐, 見到好友食家"乜都放入窿" 邊吃亦邊讚, 之前黎嗰三次又算甚麼呢? 是次與"窿"同行終於成功, 所以笑臉係點可能唔比, 如果有機會師傅都一定會再黎!
Post
