牛陣 (銅鑼灣廣場一期)

Open Now

Now Closed

牛陣銅鑼灣店，一間我恨食好耐嘅餐廳，對上一次嚟係同屋企人經過。因為book咗食滿屋又未夠鐘入座而偶然發現咗呢間。今次，准備充足，book好晒位，約好朋友。准時入座牛陣銅鑼灣店。呢間係自助式嘅壽喜燒店，燒和牛，火鍋全自助。枱上有塊牌教埋我哋如何正宗地食壽喜燒。成間鋪頭店面幾好，好乾淨企利。冇講咁多，開食！！！先打好蛋汁燒好和牛脂肪同京蔥，即刻落和牛，再落埋提供嘅壽喜燒甘露，即刻聞到佢嘅燒肉同甜味。再沾上蛋汁放入口食，簡直係人間美食啊！蛋汁嘅鮮味，和牛嘅入口即化。食得差唔多就會倒埋日式清湯轉換成火鍋。再攞埋自助嘅火鍋料同套餐包嘅豚肉、和牛、海鮮同蔬菜。海鮮盤入面其實種類不多，就兩隻墨魚，兩隻帆立貝同兩隻生蠔。但都夠食嘅。