炊豕店 (威靈頓街) (Closed)

今日同朋友行過中環，到咗威靈頓街附近，見到除咗一般酒吧同西餐廳之外，有一間走舊香港懷舊路線的飯店，裝潢樸實，牆上的80年代舊海報，卻吸引了不少人在門外排隊入座。論主菜款式，這間店不及其他中環茶餐廳種類多，但就因為專注做好豬扒和豬手的粉面飯，所以特別出色。見到餐牌上蔥油豬扒飯係人氣推介，所以特別點了一客嘗試。豬扒比一隻手掌還要大，而且十分厚身，肉質鬆軟，外皮鬆脆，加上蔥油非常香口。切開豬扒，才見到原來質地乾身鬆脆的豬扒下面，有濃濃的豬扒湯汁，為粒粒分明的白飯添加不少味道層次。另外朋友點了一客話梅花雕豬手幼麵，豬手通常冇咩醬汁，以為撈面會好乾身，但效果又比想像中好喎，面條本身撈左油，所以入口滑嘟嘟，雖然係比較油膩，但偶然一次就算啦，整體感覺好好，話梅香味突出多點就更好。最後同朋友share左一個辣味海蜇，質地爽口彈對面是不錯的小食，而且味道不算很辣，啱幾個朋友齊齊分享。