616牛肉火鍋專門店 (馬鞍山中心)

Open Now

Now Closed

凍冰冰嘅日子最適合打邊爐，咁啱馬鞍山開咗一間新嘅邊爐餐廳，仲要係黃店，就去懲罰下啦。新開張好多人，排隊都要排半個鐘。凍冰冰嘅日子好痛苦。Book位真係好緊要。入到去其實唔係叫咗好多嘢食，價格都算叫做中上偏貴。唔係好識得食，分唔到唔同牛部位嘅分別，抵讚嘅係啲牛味好重。唔開心嘅係份量真係唔多。個人喜好都係比較平民，所以食完之後我個人都係比較鍾意食肥牛多啲。另外亦都叫咗啲小食，爽魚皮係好有特色，味道都OK。不過有個牛肚嘅小食，死鹹唔入味。所以有少少失望。Any肥，有特色嘅嘢都係值得一試。