Video
Read full review
2022-06-29
3726 views
同朋友想搵間靚景餐廳，海港城呢堆餐廳一定係好選擇🤣今次就揀咗呢間映水芙蓉食中菜😆首先對住個海景已經好吸引，食慾都大啲🤣呢度嘅菜式以川菜為主，有啲都幾創新～首先佢會上咗啲前菜先，會有一粒蕃茄仔同一杯番石榴酒仔，係martini，味道好清新同開胃😆我哋叫咗個敲糖棒棒雞🐔呢個好得意，有啲糖定咗型好似個樽仔咁裝住啲辣油，敲爛之後啲辣油同糖散落啲雞度，麻辣惹味得嚟又少少甜平衡返😆另一個前菜叫咗一位嘅川北涼粉～份量都唔少，味道辣辣哋，係一道好開胃嘅前菜！最重要就梗係食酸菜桂花魚啦！用得桂花魚就已經知道魚嘅肉質一定好滑☺️完全無骨～我最欣賞係佢個湯，飲得出除咗用酸菜煮，仲有魚一齊放入去熬，好濃味嘅湯，忍唔住係咁飲😆我覺得佢唔算好辣，酸菜非常足料，入面仲有酸蘿蔔同寬粉，非常豐富😌我哋仲叫咗一款好得意嘅小菜～就係魚香茄子😳佢將一個茄子嘅肉刮哂出嚟整做魚香茄子放返入去🤣有gimmick又好食，不過食到尾就略鹹咗少少～食完之後店員都會送上泡芙作為甜品～雖然三隻色好似係唔同味，但食落去陣味唔算好突出，我覺得一般啦～整個體驗都唔錯，好多分係比喺個景度，食物味道都算ok～但我覺得如果呢個價位同環境，冇限90分鐘/比
首先佢會上咗啲前菜先，會有一粒蕃茄仔同一杯番石榴酒仔，係martini，味道好清新同開胃😆
前菜
102 views
0 likes
0 comments
我哋叫咗個敲糖棒棒雞🐔呢個好得意，有啲糖定咗型好似個樽仔咁裝住啲辣油，敲爛之後啲辣油同糖散落啲雞度，麻辣惹味得嚟又少少甜平衡返😆
敲糖棒棒雞
118 views
0 likes
0 comments
另一個前菜叫咗一位嘅川北涼粉～份量都唔少，味道辣辣哋，係一道好開胃嘅前菜！
川北涼粉
106 views
0 likes
0 comments
最重要就梗係食酸菜桂花魚啦！用得桂花魚就已經知道魚嘅肉質一定好滑☺️完全無骨～我最欣賞係佢個湯，飲得出除咗用酸菜煮，仲有魚一齊放入去熬，好濃味嘅湯，忍唔住係咁飲😆我覺得佢唔算好辣，酸菜非常足料，入面仲有酸蘿蔔同寬粉，非常豐富😌
酸菜桂花魚
103 views
0 likes
0 comments
我哋仲叫咗一款好得意嘅小菜～就係魚香茄子😳佢將一個茄子嘅肉刮哂出嚟整做魚香茄子放返入去🤣有gimmick又好食，不過食到尾就略鹹咗少少～
魚香茄子
102 views
0 likes
0 comments
食完之後店員都會送上泡芙作為甜品～雖然三隻色好似係唔同味，但食落去陣味唔算好突出，我覺得一般啦～
甜品
75 views
1 likes
0 comments
整個體驗都唔錯，好多分係比喺個景度，食物味道都算ok～但我覺得如果呢個價位同環境，冇限90分鐘/比到120分鐘就會好啲，始終對住個靚景都會想影多啲相🤣
Post
