Video
Read full review
2022-12-19
52 views
世界盃期間既西班牙菜Baby Crab Cakes $128金黃色蟹餅外面香脆，入面係偏實同埋有好多一絲絲既蟹肉，好微嘅辣味牛他他脆筒$75賣相好得意，脆既迷你雪糕筒，裝住好滑嘅牛肉他他，口感豐富，味道亦都唔錯。蕃茄鯷魚脆包＄65見到個名有啲特別，所以試一試佢，一份有三件，鯷魚上有少少醬汁，再放係蕃茄脆包上面。鯷魚唔會好鹹，亦唔會腥，再加左橄欖油，同蕃茄醬酸酸地，令到成件事唔會太乾，口感幾好。蠔仔蛋餅配芫荽蛋黃醬 $130店員推薦，係西班牙傳統既蠔仔蛋餅，為配合香港人口味而加上芫荽，整體口感鬆軟，有芫茜味蛋味都重，蠔仔亦都唔少，如果鹹少少就更正。薑味橙香橡果黑毛豬鞍架$238黑毛豬鞍架很厚身，大大件，一切就知一啲都唔韌，口感彈牙，偏爽嫩，少少肥，但唔油膩。配菜邊面有露荀及薯仔，特別次處係有炸脆羽衣甘藍，入口脆卜卜，比較少見。紅絲絨油條配士多啤梨朱古力醬 $88一定係叫返西班牙甜品，西班牙油炸鬼，上枱熱辣辣，真係外脆內軟，上枱嗰時侍應仲話佢呢個士多啤梨朱古力醬都係自己整，配搭埋一齊，又真係加咗分，大家記得要試。Special tailor made $118幾特別，可以落單個時講番想要咩
Baby Crab Cakes $128
金黃色蟹餅外面香脆，入面係偏實同埋有好多一絲絲既蟹肉，好微嘅辣味
牛他他脆筒$75
賣相好得意，脆既迷你雪糕筒，裝住好滑嘅牛肉他他，口感豐富，味道亦都唔錯。
蕃茄鯷魚脆包＄65
見到個名有啲特別，所以試一試佢，一份有三件，鯷魚上有少少醬汁，再放係蕃茄脆包上面。鯷魚唔會好鹹，亦唔會腥，再加左橄欖油，同蕃茄醬酸酸地，令到成件事唔會太乾，口感幾好。
蠔仔蛋餅配芫荽蛋黃醬 $130
店員推薦，係西班牙傳統既蠔仔蛋餅，為配合香港人口味而加上芫荽，整體口感鬆軟，有芫茜味蛋味都重，蠔仔亦都唔少，如果鹹少少就更正。
薑味橙香橡果黑毛豬鞍架$238
黑毛豬鞍架很厚身，大大件，一切就知一啲都唔韌，口感彈牙，偏爽嫩，少少肥，但唔油膩。配菜邊面有露荀及薯仔，特別次處係有炸脆羽衣甘藍，入口脆卜卜，比較少見。
紅絲絨油條配士多啤梨朱古力醬 $88
一定係叫返西班牙甜品，西班牙油炸鬼，上枱熱辣辣，真係外脆內軟，上枱嗰時侍應仲話佢呢個士多啤梨朱古力醬都係自己整，配搭埋一齊，又真係加咗分，大家記得要試。
Special tailor made $118
幾特別，可以落單個時講番想要咩味，我地個時就話想要沙冰 fresh啲，結果就整左杯菠蘿幾多一兩種水果整既沙冰，唔錯。
Satun’s ring $108
濃濃既阿華田味，有少少沙冰feel,好岩飲。
總結
傳統西班牙餐廳
野好食
店員nice
又唔貴
會再去食
Post
