伍佰海鮮火鍋 (Closed)

香港人一年四季都要打邊爐，呢間火鍋店主打自家熬製嘅湯底、新鮮海鮮同多款手工配料～ 黑松露蛋餃、海蝦墨魚丸、吱喳鬼馬蝦條、芫荽帶子餃，應有盡有，最怕大家食唔夠飽😛 餐廳佔地兩層，地方十分闊落，乾淨企理，又坐得舒服，幾適合一大班人過嚟聚餐享用高級美食😏 聽聞佢哋啱啱裝咗個Now TV有大電視可以睇世界杯添！建議大家早啲book定枱先啦因為都幾full吓😮火鍋精選套餐包括精選時令海鮮、極上刺身拼盤、蔬菜任食、精選飲品任飲同自選🔟款配料！湯底有5️⃣款選擇，清遠海底椰雞腳湯味道濃郁，飲落清甜滋潤，補肺養顏，十分健康😍 入面仲有超多配料，極度推介雞腳同栗米🥺 雖然已經好飽但忍唔住一嚿接一嚿咁食～ 時令海鮮有鮑魚、蟶子、海蝦、沙白、帶子、象拔蚌、生蠔、日本螺等等～ 整體食材新鮮肥美而且散發著淡淡嘅海水味，最鍾意粒粒飽滿嘅沙白同生猛嘅海蝦🤪 海鮮控表示好開心呀🥰 極上刺身拼盤都好有驚喜，雖然係火鍋店但食材質素同味道絕對比得上出面嘅壽司店，唔錯唔錯🤪配料要咗美國安格斯肩胛肥牛、鮮豆腐、鮮支竹、炸響鈴、自家製四寶丸、鯪魚丸、瑤柱水餃、墨魚釀豆卜、松露雞蛋餃同芫荽帶子餃🥳 款款都好特別，出邊真係比較少見到呢啲