Mille Mele Tokyo (Closed)

喺美麗華大廈對面，新開左一間由日本橫濱落戶香港專食蘋果批嘅餐廳，見到好多人排隊，忍唔住一試，就叫咗佢一個世界第一蘋果批。個蘋果批一咬落去就好脆，入面呢就有蘋果同埋吉士忌廉，好有咬口。入面呢就加咗啲少少咸少少甜嘅蘋果粒，唔似普通嘅蘋果批，你仲會食到蘋果個種爽口嘅感覺。全部蘋果批亦都係即場整，所以呢個皮仲會係好新鮮好脆，聽講佢啲蘋果批咁脆係因為入面用了慢煮厚切富士蘋果粒製。另外餐廳嘅裝修都好有特色，顏色嘅搭配呢令到人有一種開心嘅感覺，因為其他post都有相片，我今日就唔特別post 佢啲環境相（事實係嗰日太多人影唔到）。個蘋果批絕對值得一試，旁邊仲要係Donki添，食完蘋果批再去shopping啱晒！