麺屋武一 (Closed)

※本文以用餐當日的環境、服務和食物質素為準，口味亦因人而異，文章只作參考之用。-尖沙咀最近又黎左一間日本東京過江龍「麺屋武一」，係全球有多間分店，主打濃厚雞白湯拉麵。香港限定仲有得揀比較特別既「低糖質蒟蒻麵」同「蔬菜拉麵」，適合素食者更是健康之選。「麺屋武一」位於棉登徑那邊，離地鐵站很近。餐廳環境不大，就是一般日系拉麵店的木色裝潢，有供應食拉麵常備既檸檬水。拉麵的湯底可選較濃郁的「雞白湯」和「雞清湯」兩款，可搭配醬油/味增/辣味增/塩味等口味；還有一些單點打串燒和小食、迷你丼飯等。塩味雞白湯底，係最直接嚐到雞白湯既味道。當然要試下佢，另外仲叫左串燒同炸雞。落單時仲可以揀要唔要洋蔥或生洋蔥，一直覺得加上洋蔥後食起上黎會更加香！據說雞白湯底、雞肉丸和雞叉燒都係從日本入口，用上新鮮雞、雞湯和昆布等，熬製13小時，呈現出奶白色的雞湯底。濃厚鹽味拉麵 （雞白湯）$88雞白湯底飲落好creamy，雞湯味道愈飲愈突出，湯底質感頗濃稠，係點杰身個隻，帶點膠質。配搭了掛湯力不俗的幼麵身 （也是我喜愛的），還有肉質嫩滑的雞腿肉叉燒和雞肉丸，整體不會太膩，這碗麵是我的菜，不過略嫌麵的份量較少，唔太夠飽。炸雞