Video
Read full review
2019-12-31
544 views
東南亞味乜都有餐廳今日早收工，同男朋友去k11 musea 食下午茶，食呢間yummee，之前行過見野食都吾算好貴，同埋都有好多野食揀。早黎所以人都吾多，有自助點餐，夠方便，港式，泰式，越式，日式同日式都有！新開所以裝修新淨，以大地色為主，有卡位，梳法位同方枱，坐位都吾會好逼夾。我地自助點餐，樣樣都揀d黎食。叫咗冬陰公配飯，日式咖喱豬扒飯，炸春卷，蜜糖蒜蓉炸單骨雞翼，紅油抄手同埋手工檸檬紅茶。冬陰公配飯呢個冬陰公偏向越式，冇落椰奶的，味道偏酸，小小辣，配飯食，啱我胃口。配料有新鮮嘅蝦，魚蛋，魚片同蘑菇，配搭不錯。日式咖喱豬扒飯豬扒係日式酥炸款，上面淋有咖喱汁，配薯仔同紅蘿蔔，個味又唔錯，豬扒勁大塊，抵食。炸春卷呢個餡料有豬肉碎，冬菇，小小紅蘿蔔絲，再用春卷皮包住炸，外皮小脆，內面餡料豐富，有汁，好食。蜜糖蒜蓉炸單骨雞翼好多條蛋骨雞翼，上面嘅蒜蓉好香，不過偏鹹，用嚟送飯都岩。紅油抄手呢個簡直係蝦餃嚟，入邊有成兩至三舊新鮮蝦，$38有六粒，抵食。手工檸檸紅茶店員介紹嘅時候話手工茶，係用青檸同檸檬各一個渣出檸汁，的確呢杯檸檸紅茶好有清新青檸味，加上又唔甜，好健康的感覺。另外嘢食都煮得好快，都
今日早收工，同男朋友去k11 musea 食下午茶，食呢間yummee，之前行過見野食都吾算好貴，同埋都有好多野食揀。
早黎所以人都吾多，有自助點餐，夠方便，港式，泰式，越式，日式同日式都有！新開所以裝修新淨，以大地色為主，有卡位，梳法位同方枱，坐位都吾會好逼夾。
我地自助點餐，樣樣都揀d黎食。
叫咗冬陰公配飯，日式咖喱豬扒飯，炸春卷，蜜糖蒜蓉炸單骨雞翼，紅油抄手同埋手工檸檬紅茶。
冬陰公配飯
呢個冬陰公偏向越式，冇落椰奶的，味道偏酸，小小辣，配飯食，啱我胃口。配料有新鮮嘅蝦，魚蛋，魚片同蘑菇，配搭不錯。
日式咖喱豬扒飯
豬扒係日式酥炸款，上面淋有咖喱汁，配薯仔同紅蘿蔔，個味又唔錯，豬扒勁大塊，抵食。
炸春卷
呢個餡料有豬肉碎，冬菇，小小紅蘿蔔絲，再用春卷皮包住炸，外皮小脆，內面餡料豐富，有汁，好食。
蜜糖蒜蓉炸單骨雞翼
好多條蛋骨雞翼，上面嘅蒜蓉好香，不過偏鹹，用嚟送飯都岩。
紅油抄手
呢個簡直係蝦餃嚟，入邊有成兩至三舊新鮮蝦，$38有六粒，抵食。
手工檸檸紅茶
店員介紹嘅時候話手工茶，係用青檸同檸檬各一個渣出檸汁，的確呢杯檸檸紅茶好有清新青檸味，加上又唔甜，好健康的感覺。
另外嘢食都煮得好快，都唔使等太耐，應該lunch時間嚟食都講得切，下次可再來。
Post
