Video
Read full review
2015-01-12
2374 views
銅鑼灣選擇太多，但我揹住個仔，只係想搵個舒服及較靜嘅地方坐低食啲嘢，兼餵佢食佢嘅下午茶。本來想去Simplylife，但好full加要等，所以放棄。望到隔離間嘢都幾靚仔又好有東南亞氣息，連menu都冇睇就入咗去。坐低settle後咁啱梳化位有人走，侍應見我湊住個B，就叫我過去坐。下午茶時段有幾個粉麵嘅選擇，配一杯指定飲品(鮮青檸梳打／凍柑桔檸檬蜜)盛惠$68，另外$98就多一個泰越拼盤。因為個拼盤嘅combination我麻麻地，所以淨係叫左個粉。紅蟹肉炸蛋湯金邊粉 $68 (Tea Set 價)作為茄湯嘅忠實粉絲，menu見到呢個金邊粉，有咩料都冇理就叫左。賣相如圖，非常一般。先食「炸蛋」(真係炸？)，個邊係好脆嘅，蛋黃係流心，唔小心督穿咗，即刻搵啲粉撈嚟食，但同時即發現個湯並冇個顏色睇落咁茄，失望。茄味唔重嘅湯粉已經好扣分，好在個粉都爽身，唔係死得仲慘。喺啲粉食到咁上下之際，筷子夾到一細嚿白色肉，先醒起佢係有蟹肉嘅，再撓下，發現有啲豬肉碎(呢個幾好味)，食埋幾粒肉仔，咁就完結喇。又：佢個湯底微辣，侍應喺落order時有提醒，但我唔係太明個辣嘅作用係咩(吊味?調味?)。泰香芒糯米 $
坐低settle後咁啱梳化位有人走，侍應見我湊住個B，就叫我過去坐。
下午茶時段有幾個粉麵嘅選擇，配一杯指定飲品(鮮青檸梳打／凍柑桔檸檬蜜)盛惠$68，另外$98就多一個泰越拼盤。因為個拼盤嘅combination我麻麻地，所以淨係叫左個粉。
紅蟹肉炸蛋湯金邊粉 $68 (Tea Set 價)
Tomato Rice Noodle Soup with Crabmeat and Fried Egg
$68
96 views
0 likes
0 comments
賣相如圖，非常一般。先食「炸蛋」(真係炸？)，個邊係好脆嘅，蛋黃係流心，唔小心督穿咗，即刻搵啲粉撈嚟食，但同時即發現個湯並冇個顏色睇落咁茄，失望。茄味唔重嘅湯粉已經好扣分，好在個粉都爽身，唔係死得仲慘。喺啲粉食到咁上下之際，筷子夾到一細嚿白色肉，先醒起佢係有蟹肉嘅，再撓下，發現有啲豬肉碎(呢個幾好味)，食埋幾粒肉仔，咁就完結喇。
又：佢個湯底微辣，侍應喺落order時有提醒，但我唔係太明個辣嘅作用係咩(吊味?調味?)。
泰香芒糯米 $38
Sweet Sticky Rice with Mango
$38
87 views
0 likes
0 comments
先試一啖仔芒果，泰芒甜度適中；椰漿貌似略多，但其實份量剛好；糯米飯，軟糯微暖；好味！
Other Info. :
我杯青檸梳打喺個粉黎嘅時候未見影，而遲過我order嘅枱又已經有嘢飲，同侍應追，結果食到一半就出現了。其實當時唔忙，侍應送粉黎嘅時候係咪可以主動問我或check下我杯嘢飲去咗邊呢(迷思)?!
(The above review is the personal opinion of a user which does not represent OpenRice's point of view.)
Post
