Video
Read full review
2019-07-15
13 views
有時情侶兩個出外想食點心，去茶樓比較尷尬，每次都被迫打消念頭，經過今次食昇哥點心， 我地兩個下次想飲茶就有新路數。今日同男友探朋友前經過呢間主打點心既餐廳，入面坐滿客人， 咁岩想飲茶， 就入去食埋個晏。兩點幾一入門口， 店內人頭湧湧， 坐滿九成，但老闆娘都馬上為我地安排好位置， 姐姐都好快問我地咩茶底， 我地揀左香片，轉個頭就送到。餐牌菜式價錢相宜， 甚至比酒樓平少少。比較特別嘅係，餐廳除咗傳統中式點心，仲有啲新派fusion小食， 力求創新既我哋揀咗叉燒腸，蝦餃王，蔗糖馬拉糕，籠仔馬蹄章魚肉餅飯，翡翠墨魚釀燒賣， 燒汁墨魚釀茄子。一黎係籠仔馬蹄章魚肉餅飯，用荷葉包住， 本身以為珍珠雞嘅份量咁大，點知原來係大左成倍， $40都唔使。肉餅成吋厚， 肉餅既厚實配上馬蹄既爽口， 加上章魚既香味， 兩個都食得津津有味。比起肉餅，我更加鍾意佢嘅飯，絲苗米先做到粒粒分明，仲有少少硬性， 唔會煮得太淋， 配埋蒸飯鼓油， 呢樣先係蒸飯既精髓。然後就到叉燒腸粉，腸粉夠滑夠薄，叉燒餡夠料， 冇幾秒就食哂。蝦餃都ok.再黎燒汁墨魚滑配茄子， 呢道菜比較和風， 燒汁既甜味， 更加能提升茄子鮮味， 木魚絲同燒汁
今日同男友探朋友前經過呢間主打點心既餐廳，入面坐滿客人， 咁岩想飲茶， 就入去食埋個晏。
兩點幾一入門口， 店內人頭湧湧， 坐滿九成，但老闆娘都馬上為我地安排好位置， 姐姐都好快問我地咩茶底， 我地揀左香片，轉個頭就送到。
餐牌菜式價錢相宜， 甚至比酒樓平少少。比較特別嘅係，餐廳除咗傳統中式點心，仲有啲新派fusion小食， 力求創新既我哋揀咗叉燒腸，蝦餃王，蔗糖馬拉糕，籠仔馬蹄章魚肉餅飯，翡翠墨魚釀燒賣， 燒汁墨魚釀茄子。
一黎係籠仔馬蹄章魚肉餅飯，用荷葉包住， 本身以為珍珠雞嘅份量咁大，點知原來係大左成倍， $40都唔使。
肉餅成吋厚， 肉餅既厚實配上馬蹄既爽口， 加上章魚既香味， 兩個都食得津津有味。
比起肉餅，我更加鍾意佢嘅飯，絲苗米先做到粒粒分明，仲有少少硬性， 唔會煮得太淋， 配埋蒸飯鼓油， 呢樣先係蒸飯既精髓。
然後就到叉燒腸粉，腸粉夠滑夠薄，叉燒餡夠料， 冇幾秒就食哂。蝦餃都ok.
再黎燒汁墨魚滑配茄子， 呢道菜比較和風， 燒汁既甜味， 更加能提升茄子鮮味， 木魚絲同燒汁亦跟茄子既質感非常搭配， 再加上墨魚滑，呢個fusion 菜我會比十分。
然後到翡翠墨魚滑燒賣，食落好似成舊都係墨魚滑， 比起純用豬肉更彈牙， 原來墨魚滑做燒賣都唔錯。
最後係到馬拉糕，本身都八成飽， 加上對呢道菜冇咩期望，以為都係平時既馬拉糕味， 食完之後有d 驚喜， 一來冇某d 酒樓咁蒸到好油， 二來既有好香蔗糖味， 比其他既馬拉糕特別唔同， 最尾極飽既情況下都清左成籠。
食到飽飽足足離開， 特別欣賞間鋪頭都好有人情味， 開始落單個時我有d 唔明既菜式老闆娘都會詳細解釋， 又會有推介小食， 同埋都好有禮貌，幫我地不時打拾枱面， 個日有很好既用餐經驗。
Post
