Video
Read full review
2012-05-28
23 views
星期日又係拍拖日，老公叫我放假一天唔好煮飯，佢請我食晚餐！ 我開心之餘，都錫住老公荷包，所以揀左呢間荃灣區好有名的意式餐廳！我地慣左夜食飯，9:15PM至去到，以為唔駛排隊啦，點知原來仲一大堆人響度等位呀！唔怪得D人話多人起上黎要等成個鐘...我地等左20分鐘，終於有得入啦！我一早做足功課睇openrice食評，知道呢度多款、抵食，連加一都唔駛，D枱仲有個鐘仔畀你叫侍應落order，唔駛狂舉手搵侍應，抵讚！我地叫左個蒜蓉法包，以為細細份，點知仲長過我老公隻大手板！咬落去...wow~夠熱，個邊脆脆地，中間軟熟，好正呀！我好鍾意食三文魚，咁自然唔少得叫一份三文魚沙律啦！其實三文魚得4塊，份量唔多，好在佢個秘製沙律醬好好食，菜亦夠新鮮冇苦澀味，唔錯～芝士迷的我第一次黎，梗係要試個個都話好味的水牛芝士pizza啦，原來好大塊架，芝士又厚又多，仲好香好煙韌，正正正！食到停唔到口～$28一個地中海海鮮意大利飯，我以為會得好少，點知原來大大碟！意大利飯焗過之後會有少少脆脆地，海鮮有2大隻青口、4隻蜆仔、4隻蝦仔，以咁嘅價錢真係算好足料啦！重點係味道好食嘛！不過由於我地得兩個人，個胃再裝唔落意粉，下
我地慣左夜食飯，9:15PM至去到，以為唔駛排隊啦，點知原來仲一大堆人響度等位呀！唔怪得D人話多人起上黎要等成個鐘...我地等左20分鐘，終於有得入啦！
我一早做足功課睇openrice食評，知道呢度多款、抵食，連加一都唔駛，D枱仲有個鐘仔畀你叫侍應落order，唔駛狂舉手搵侍應，抵讚！
我地叫左個蒜蓉法包，以為細細份，點知仲長過我老公隻大手板！咬落去...wow~夠熱，個邊脆脆地，中間軟熟，好正呀！
我好鍾意食三文魚，咁自然唔少得叫一份三文魚沙律啦！其實三文魚得4塊，份量唔多，好在佢個秘製沙律醬好好食，菜亦夠新鮮冇苦澀味，唔錯～
芝士迷的我第一次黎，梗係要試個個都話好味的水牛芝士pizza啦，原來好大塊架，芝士又厚又多，仲好香好煙韌，正正正！食到停唔到口～
$28一個地中海海鮮意大利飯，我以為會得好少，點知原來大大碟！意大利飯焗過之後會有少少脆脆地，海鮮有2大隻青口、4隻蜆仔、4隻蝦仔，以咁嘅價錢真係算好足料啦！重點係味道好食嘛！不過由於我地得兩個人，個胃再裝唔落意粉，下次一於要試！
最後先至食個蒜蓉焗田螺，其實都幾油架，見到一大堆油在底部...聞落唔覺香，但食落口，一陣蒜蓉香味湧出黎，螺肉亦夠爽口，good！老公仲畀左$12加個Drink Bar，不過佢唔飲咖啡，冰飲都係好普通的汽水檸茶之類，其實唔係真係咁抵，老公話下次唔加好過～
埋單只係$120，老公請得開心，我又食得開心，雖然係平價，但份量多、味道好，地方唔會狹窄，坐得舒服，我諗佢地舖租應該好平，而受惠嘅就係我地呢D食客啦！
唯一要改善嘅係食物可能有落味精，或者可能係D田螺太鹹，返屋企之後覺得口渴。香港人都比較注重健康，希望佢地都響呢方面再加強下！
Post
