川之源

Open Now

Now Closed

招牌菜之一嘅水煮魚 $198我同男朋友㨂左中價嘅水煮魚，一於挑戰下川菜嘅香、麻同辣。叫咗BB辣，一上枱見到勁紅勁多辣椒，佢既辣係慢而長，但唔算十分之麻，所以食得辣嘅就建議可叫中辣以上。魚塊勁多、抵食到爆！入面仲有掛汁芽菜，食辣之人可挑戰！四川涼面 $58好鐘意佢落咗陳醋，配合自家製辣椒，絕對川菜口味。麵質彈牙，味道偏重，而且拌面好適合夏天食，胃口會大增。紅油抄手 $78價錢黎講都合宜，因為份量唔細，兩個人食係足夠晒。雖然有得㨂辣度，但哩碗紅油抄手係比我預期辣，要飲罐可樂先解到辣(食辣能力好弱)。抄手都十分足料，大大粒而且皮薄，又掛到汁。 ‼️好食‼️桂花冰粉食完又麻又辣嘅川菜，成口都係重口味，叫咗碗桂花冰粉，其實就係好似啫喱咁，桂花清香中香咗個辣。