喜來稀肉 (Closed)

韓燒試過咁多間，都係鍾情於喜來稀肉！今日竟然聽到同事話原來附近開左，開心到即興約埋放工去食～店入面環境幾好，雖然好多客人，但都唔會好大油煙鐘意韓燒其中一個原因係我好鐘意食爐邊蛋，一邊放泡菜，一邊放芝士。食下肉，又食下蛋，好有風味～護心肉係每次都必食既，基本上每枱都會點。肉質鮮嫩、有口感，份量又夠多！都唔洗點介紹喇～總之一定要食啦！平時食開牛五花，今次試下真雪花牛肉先！menu上有手指公，應該都好食既～脂分佈平均，好有牛味，亦都唔會太油膩，好好食話說睇韓劇，見到佢地成日食泡菜湯之類既野，搞到我都好想食～所以就點左個海鮮牛胸肉大醬湯估唔到都幾足料，勁多海鮮，但比較重口味，哈哈兩個人食，飽晒！