Video
Read full review
2018-07-26
5910 views
自己曳，玩即興又唔book位！Oppa職員話冇位等半個鍾，不過係我點估到佢平日夜晚都可以全full,仲要果晚落雨架喎，唔黎唔知呢間咁受歡迎！一場黎到，見到d人食得咁滋味，而且韓燒香味撲鼻，唔係唔繼續等呀？！等位梗係善用時間𥄫下食乜好啦，佢有三個唔同嘅任食餐，價錢毎個差$60上下。最後揀左中庭果個餐，叫世子料理！點左餐，會auto俾三款牛同海鮮我，最大塊嘅係成冷，肉甜有咬口；油花最多嘅係前胸腹，牛油香口感軟；圓圓地果片係牛肉眼，肉林；不過帶子都幾易＂痴底＂，夾起會易爛，唔通我技巧唔夠？蜆仔係好新鮮嘅～點菜紙我鰻魚寫2，佢俾兩大件，係一條嘅份量！幾闊佬wor!燒左嘅鰻魚軟熟美味，醬汁濃郁，蠔有淡淡海水味，鮮甜得黎鹹鹹地，燒元貝都幾鮮味啵！普通腸仔牛餐肉我唔介紹啦，下左面果d值得食啦，白身d係牛腸，橙橙地色係豬腸，牛腸呢就肥美d,有咬口d,豬腸呢就醃得野味d，辣嘅，豬牛豬係直得點回本野黎！雞串燒，甜甜地，有d蜜汁咁，雞翼多肉大隻～五花豬腩肉燒完包菜食可減膩感，豬頸肉好爽呀！冰凍鮮美嘅醬油蝦黎嚕，醬油甜甜地，蝦肉又實淨，唔記自己究竟一共食左幾多啦！任食wor，出面食醬油醃果d好貴架嘛，俾左錢做
Oppa職員話冇位等半個鍾，
不過係我點估到佢平日夜晚都可以全full,
仲要果晚落雨架喎，唔黎唔知呢間咁受歡迎！
一場黎到，見到d人食得咁滋味，
而且韓燒香味撲鼻，唔係唔繼續等呀？！
等位梗係善用時間𥄫下食乜好啦，
佢有三個唔同嘅任食餐，
價錢毎個差$60上下。
最後揀左中庭果個餐，
叫世子料理！
點左餐，會auto俾三款牛同海鮮我，
最大塊嘅係成冷，肉甜有咬口；
油花最多嘅係前胸腹，牛油香口感軟；
圓圓地果片係牛肉眼，肉林；
不過帶子都幾易＂痴底＂，夾起會易爛，唔通我技巧唔夠？
蜆仔係好新鮮嘅～
點菜紙我鰻魚寫2，佢俾兩大件，係一條嘅份量！幾闊佬wor!
燒左嘅鰻魚軟熟美味，醬汁濃郁，
蠔有淡淡海水味，鮮甜得黎鹹鹹地，
燒元貝都幾鮮味啵！
普通腸仔牛餐肉我唔介紹啦，
下左面果d值得食啦，白身d係牛腸，
橙橙地色係豬腸，
牛腸呢就肥美d,有咬口d,
豬腸呢就醃得野味d，辣嘅，
豬牛豬係直得點回本野黎！
雞串燒，甜甜地，有d蜜汁咁，
雞翼多肉大隻～
五花豬腩肉燒完包菜食可減膩感，
豬頸肉好爽呀！
冰凍鮮美嘅醬油蝦黎嚕，
醬油甜甜地，蝦肉又實淨，
唔記自己究竟一共食左幾多啦！
任食wor，出面食醬油醃果d好貴架嘛，
俾左錢做咩唔食盡佢！
不過，記得食得晒先至好嗌，
咪做大嘥鬼吖！
飲品櫃淨係啤酒都有三款選擇，
其餘係什麼忌廉梳打呀，汽水檸檬茶，
怕肥怕高糖仲可以選擇白色可口可樂或者茶！
呢個雪櫃放雪糕，但寫住不准自取，
要like左FB同埋加左openrice最愛先有！
目測味道有7-8款上下啦，
味道都特式嘅，有紫米，草莓，咖啡，紅豆，香蕉沙冰，椰汁，芒果同哈蜜瓜！
三心兩意後
最後揀左椰汁同哈蜜瓜，
食到捧住個肚走人！
聽日仲要番多一日工至星期六，
你話如果係唔駛番工食飯就大覺瞓你話幾好呢！
臨尾一定讚一讚，
呢度d職員係超主動過黎幫你換窩板，
好貼心！一晚都幫我換左好多次，
有禮貌，服務好好。
Post
