Video
Read full review
2023-09-20
157 views
此評論主要用來警醒我自己。冇圖，因為冇諗過自己會瀨野同埋碗野賣相冇特別好/差。同行朋友叫藥膳麻油雞米線，有蟲草花、紅棗、金針菇等配料，成個雞髀切件，分量係真多，但湯底似出前X丁嘅豬骨湯加麻油。我叫嘅係麻辣大舊米線小辣（平時食開X哥麻中，但最近中完新冠，味覺有d退化）碗野賣相吸引但湯底得個鹹字，花椒粒係完整嘅一粒粒，成碗野都冇麻味。丸各1粒：冇食。好多舊豬潤：兩面都有d粉紅色，咬左一啖，入面並非粉紅色，未試過呢個口感所以冇再食。頗多雞肉同牛肉：正常發揮。2舊蘿蔔：好食，清甜。1 pat生菜：正常發揮，不過沉底要穩一穩。其他唔記得。送嘅孜然單邊雞翼好鹹+凍嘅，未試過甘鹹嘅雞翼😢然後本身已經冇咩咳，結果呢餐食完一路行街一路狂咳加口渴，且有些許不適（但我中完新冠之後成日都不適，所以冇理）店內活動：第二碗半價，買單時計算，活動去到30/9。題外話1：座位安排非常神奇😕題外話2：同日我淨係買左枝竹蔗茅根飲（超市鴻X堂果種），晚餐係屋企食左雲耳冬菇雞+粉絲。然後我半夜3點幾痛醒，肚屙左一次，不斷係嘔同嘔唔出之間徘徊，痛到冇力講粗口。最後由半夜3點幾痛到早上7點幾，食左兩包止痛散自救，加埋訓左1個鐘，
冇圖，因為冇諗過自己會瀨野同埋碗野賣相冇特別好/差。
同行朋友叫藥膳麻油雞米線，有蟲草花、紅棗、金針菇等配料，成個雞髀切件，分量係真多，但湯底似出前X丁嘅豬骨湯加麻油。
我叫嘅係麻辣大舊米線小辣（平時食開X哥麻中，但最近中完新冠，味覺有d退化）
碗野賣相吸引但湯底得個鹹字，花椒粒係完整嘅一粒粒，成碗野都冇麻味。
丸各1粒：冇食。
好多舊豬潤：兩面都有d粉紅色，咬左一啖，入面並非粉紅色，未試過呢個口感所以冇再食。
頗多雞肉同牛肉：正常發揮。
2舊蘿蔔：好食，清甜。
1 pat生菜：正常發揮，不過沉底要穩一穩。
其他唔記得。
送嘅孜然單邊雞翼好鹹+凍嘅，未試過甘鹹嘅雞翼😢然後本身已經冇咩咳，結果呢餐食完一路行街一路狂咳加口渴，且有些許不適（但我中完新冠之後成日都不適，所以冇理）
店內活動：第二碗半價，買單時計算，活動去到30/9。
題外話1：座位安排非常神奇😕
題外話2：同日我淨係買左枝竹蔗茅根飲（超市鴻X堂果種），晚餐係屋企食左雲耳冬菇雞+粉絲。然後我半夜3點幾痛醒，肚屙左一次，不斷係嘔同嘔唔出之間徘徊，痛到冇力講粗口。最後由半夜3點幾痛到早上7點幾，食左兩包止痛散自救，加埋訓左1個鐘，陣間準備睇醫生。諗到之後要食幾日白粥，怒打此評提醒自己：腸胃差唔好食呢間，去食X哥。
備註：10/9寫評，15/9收到openRice電郵：閣下提交的食評因當中內容含有嚴重指控，在本網審批的過程中被評估為有潛在法律風險*，所以email我。如果30日內冇回覆或者去app確認，就會退回稿件。
所以戴定頭盔：個人經歷，冇話腸胃炎一定因為呢間野造成，title個伏係比距個米線味道。
Post