Video
Read full review
2021-04-05
1051 views
訂左7：00枱，入面大把空枱，6：55都唔會俾你入，即使佢個電梯大堂只有8呎位企成十個人迫到電梯都出唔到。兩個人俾4個位嘅枱我地以為咗好咁鬆動，然後叫我地坐埋一邊因為啱啱死角位要留條路俾入面枱出入，算啦無計個fd book嘅咪一齊試下囉。先嚟個湯底好驚訝，居然個湯底材料完全係生嘅無煲過，點知個爐又細個煲又大完全滾唔起。煲左一陣都覺得唔對路，叫個男侍應睇睇點解個爐唔識滾，佢應一應我地就行咗去做其他野，俾我感覺可能係習以為常所以唔理我地，隔咗十分鐘，佢Serve完好多枱客之後原來識得返嚟喎🤔，佢就話，滾唔起係咪？！然後係咁二將個煲推咗一下，就話，依家係咪好咗啲呀？我答佢，咩咁就得㗎喇😮😮😮😮，見到佢咁官腔式，即刻慣性處理手法，擺明間餐廳專登用迷你爐配大煲加唔預先煮好湯底咁做啦，講咩都無用都廢事出聲自己嬲。火窩放題但$294一位嚟講，出面可以有好多更好嘅選擇，呢間食物質素真係唔好掂，食物選擇又極少，刺身又唔好食，真係完全無可取之處，唯一賣點可能係新鮮生蝦，但都唔好食嘅唔好有期望囉。仲有個湯底同菜水無分別無味嘅。食兩個鐘，侍應揸住個I pad 好準時俾你入座更加好準時催你賣單，聽到隔離枱客話已
兩個人俾4個位嘅枱我地以為咗好咁鬆動，然後叫我地坐埋一邊因為啱啱死角位要留條路俾入面枱出入，算啦無計個fd book嘅咪一齊試下囉。
先嚟個湯底好驚訝，居然個湯底材料完全係生嘅無煲過，點知個爐又細個煲又大完全滾唔起。
煲左一陣都覺得唔對路，叫個男侍應睇睇點解個爐唔識滾，佢應一應我地就行咗去做其他野，俾我感覺可能係習以為常所以唔理我地，隔咗十分鐘，佢Serve完好多枱客之後原來識得返嚟喎🤔，佢就話，滾唔起係咪？！然後係咁二將個煲推咗一下，就話，依家係咪好咗啲呀？我答佢，咩咁就得㗎喇😮😮😮😮，見到佢咁官腔式，即刻慣性處理手法，擺明間餐廳專登用迷你爐配大煲加唔預先煮好湯底咁做啦，講咩都無用都廢事出聲自己嬲。
火窩放題但$294一位嚟講，出面可以有好多更好嘅選擇，呢間食物質素真係唔好掂，食物選擇又極少，刺身又唔好食，真係完全無可取之處，唯一賣點可能係新鮮生蝦，但都唔好食嘅唔好有期望囉。仲有個湯底同菜水無分別無味嘅。
食兩個鐘，侍應揸住個I pad 好準時俾你入座更加好準時催你賣單，聽到隔離枱客話已經俾多你食多左4分鐘喎🤭
總結：未試過就唔好浪費錢試了，出面好多選擇，呢間性價比超低，我覺得$80就差唔多囉🤣
Post
