一虎 (Closed)

喺中環食晏唔使排隊已經令人垂涎欲滴，呢一間喺Soho區嘅拉麵一啲都唔起眼可能因為就係咁唔會有太多人排佢。行到入去你會發覺地方淺窄不過都係正常拉麵鋪頭格局，我坐咗係最尾個張枱座位都算闊落。拉麵湯底來講選擇都算多，小食亦都有幾款可以揀。我揀咗個白虎拉麵，湯底都算香又唔會太肥太油或者太鹹。我個人就好驚去食拉麵叉燒因為香港食親都會有臭豬味反而呢間就冇都算唔錯。餃子方面就好一般啦，反而個炸忌廉餅就唔錯不過我自己就麻麻哋炸野。