冬蔭公公 (Closed)

TKO人想食泰國菜，但平價既真係冇乜選擇，不過依間中下價既都唔錯差不多1點去到，個場差不多滿座。不過我同友人兩人食，唔洗等位個人超超超鐘意食生蝦，因為賣生蝦要拎牌，唔係間間泰國餐廳都有賣，所以今次揀冬蔭公公生蝦有6隻，個人欣賞佢會冰鎮上(真係一大舊冰~~冇慳皮)，每隻都配有生蒜同紅青辣椒，較黏同會痴牙，我個人好鐘意！不過醬汁較酸。生菜包肉冇乜驚喜，勝在肉碎較多，多到可以拎黎撈飯😂燒春雞半價中，16蚊仲有個脾食，幾正！雖然啲肉唔太嫩，但咁既價錢要求唔可以太高😛最後叫左碗午巿米線，個豬骨湯底真係好有驚喜！好香口，不過都係味精湯，唔好飲太多😂😈 加三蚊要埋杯凍奶茶(少冰)，好飲！有茶記既味道，但同行友人話偏甜啲野食5分鐘左右就開始上，好快手。服務既話就冇乜，見到食晒都冇黎收野(可能啲野食夠擺)，但叫到拎野都好快俾到，不過不失。兩個人食到極飽，總共216蚊。p.s. 第一次打食評 keke